Parveen Shakir Poetry

Latest Audio Poetry

Latest Designed Poetry

  • jabkisisekoiwaada-thumb
  • jabtumthey
  • aaneykiitlaahmainguzri-thumbs
  • jheelachi-thumb
  • isseidprbhinamilsake-thumb
facebook like
twitter

Urdu Parveen Shakir

Ranjish.com has lots of Urdu Parveen Shakir Poetry. Feel free to add your own Parveen Shakir Shayari here.


-



Parveen Shakir

Parveen Shakir
1952-1994

Parveen Shakir was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.
We are always willing to add more and more poetry of her, so keep coming back for new poetry.



Jahan sawaal ke badle sawaal hota hai..

Parveen Shakir

Jahan sawaal ke badle sawaal hota hai,
Wahaan mohabton ka zawaal hota hai,

Kissi ko apnaa banana hunnar hi sahi,
Kisi ke ban ke rehna kamaal hota hai..

18 votes, 3.83 avg. rating



Apni tanhayi mere naam pe abaad kare..

Parveen Shakir

Apni tanhayi mere naam pe abaad kare,
Kaun ho ga jo mujhe uss ki tarah yaad kare,

Dil ajab sheher ke jis pr bhi khula dar us ka,
Woh musaafir isse har samt se barbaad kare,

Apne qaatil ki zehaanat se pareshaan hoon main,
Roz ik maut naye tarzz ki ijaad kare,

Itna hairaan ho meri be-talabbi ke aagey,
Waa qaffass main koi dar khud mera sayaad kare,

Salb-e-binaayi ke ehkaam mile hain jo kabhi,
Roshni chhuune ki khawhish koi shab-zaad kare,

Soch rakhnaa bhi jaraayem main hai shaamil ab to,
Wohi maasoom hai har baat pe jo saad kare,

Jab lahuu bol parre us ke gavaahon ke khilaaf,
Qaazi-e-sheher kuch is baab main irshaad kare,

Uss ki muthi main bohat roz raha mera wajood,
Mere saahir se kaho ab mujhe aazaad kare..

17 votes, 3.71 avg. rating



Apni ruswaayi tere naam ka charcha dekhoon..

Parveen Shakir

Apni ruswaayi tere naam ka charcha dekhoon,
Ik zaraa sher kahoon aur main kya kya dekhoon,

Neend aa jaye to kya mehfilen barpaa dekhoon,
Aankh khul jaye to tanhaayi ka sehraa dekhoon,

Shaam bhi ho gayi dhundhlaa gayin aankhen bhi meri,
Bhoolne wale main kab tak tera raasta dekhoon,

Ik ik kar ke mujhe chorr gayin sab sakhiyaan,
Aaj main khud ko teri yaad me tanhaa dekhoon,

Tu mera kuch nahin lagta hai magar jaan-e- hayaat,
Jaane kyun tere liye dil ko dharrakta dekhoon,

Band kar ke meri aankhen woh shararat se hanse,
Bujhe jaane ka main har roz tamaasha dekhoon,

Sab ziden uss ki main puri karoon har baat sunoon,
Ek bache ki tarah se usse hansta dekhoon,

Mujh pe chhaa jaye woh barsaat ki khushbuu ki tarah,
Angg angg apna issi rut mehektaa dekhoon,

Phool ki tarah mere jism ka har lab khul jaye,
Pankharri pankhrri un honton ka saaya dekhoon,

Main ne jis lamhe ko pooja hai usse bass ik baar,
Khawb ban kar teri aankhon main utarta dekhoon,

Tu meri tarah se yaktaa hai magar mere habib,
Jee me aata hai koii aur bhi tujh sa dekhoon,

Toot jaayen ke pighal jaayen mere kacchhe gharre,
Tujh ko main dekhoon ke yeh aag ka daryaa dekhoon..

19 votes, 3.68 avg. rating



Aks-e-khushbuu hoon bikharne se na roke koi..

Parveen Shakir

Aks-e-khushbuu hoon bikharne se na roke koi,
Aur bikhar jaaon to mujh ko na samaitte koi,

Kaamp uthti hoon main yeh soch ke tanhai main,
Mere chehre pe tera naam na parrh le koi,

Jis tarah khawb mere ho gaye raiza raiza,
Uss tarah se na kabhi toot ke bikhre koi,

Main to uss din se hiraasaan hoon ke jab hukm mile,
Khushk phoolon ko kitaabon me na rakhe koi,

Ab to iss raah se woh shakss guzarta bhi nahi,
Ab kis umeed pe darwaaze se jhaanke koi,

Koii aahatt koi awaz koi chaap nahin,
Dil ki galiyaan barri sunsaan hain aaye koi..

41 votes, 4.24 avg. rating



Agarche tujhse bohat ikhtilaaf bhi na hua..

Parveen Shakir

Agarche tujhse bohat ikhtilaaf bhi na hua,
Magar yeh dil teri janib se saaf bhi na hua,

Taluqaat ke barzakh main hi rakha mujh ko,
Woh mere haq main na tha aur khilaaf bhi na hua,

Ajab tha jurm-e-mohabbat ke jis pe dil ne mere,
Sazaa bhi paayi nahin aur maaf bhi na hua,

malaamton main kahan saans le saken ge woh log,
Ke jin se kuye-jafaa ka tawaaf bhi na hua,

Ajab nahin hai ke dil par jammi mili kaayi,
Bohat dinon to yeh hozz saaf bhi na hua,

hawaa-e-dakhar humen kis liye bujhati hai,
Humen to tujhse kabhi ikhtilaaf bhi na hua..

21 votes, 4.14 avg. rating



Bhoola nahin dil hijar ke lamhaat karre woh..

Parveen Shakir

bhoola nahin dil parveen shakir
Bhoola nahin dil hijar ke lamhaat karre woh,
Raatain to barri theen hi din bhi barre woh..

17 votes, 3.65 avg. rating



Ku-ba-ku phail gayi baat shanasayi ki..

Parveen Shakir

Ku-ba-ku phail gai bat shanasai ki,
Us ne khushbu ki tarah meri pazirayi ki,

Kaise kah dun k mujhe chor diya hai us ne,
Bat to sach hai magar bat hai ruswayi ki,

Wo kahin bhi gaya lauta to mere pas aya,
Bas yahi bat hai achi mere harjai ki,

Tera pahlu tere dil ki tarah abad rahe,
Tujh pe guzre na qayamat shab-e-tanhai ki,

Us ne jalti hui peshani pe jo hath rakha,
Rooh tak aa gayi tasir masihayi ki..

Listen this Poetry »

35 votes, 4.31 avg. rating



Main sach kahun gi magar phir bhi haar jaun gi..

Parveen Shakir

Main sach kahun gi magar phir bhi haar jaun gi,
Woh jhoot bole ga aur la’jawab kar de ga..

80 votes, 4.05 avg. rating



Iss baar jo eendhan ke liye katt ke gira hai..

Parveen Shakir

Iss baar jo eendhan* ke liye katt ke gira hai,
Chirriyon ko barra pyaar tha uss boorrhe shajar se..

(eendhan:fuel)

41 votes, 4.54 avg. rating



Mere lafzon se nikal jaye assar..

Parveen Shakir

Mere lafzon se nikal jaye assar,
Koi khawhish jo tere baad karoon.

109 votes, 4.06 avg. rating



Woh to khushbuu hai hawaaon mein bikhar jaye ga..

Parveen Shakir

Woh to khushbuu hai hawaaon mein bikhar jaye ga,
Masla phool ka hai, phool kidar jaaye ga..

72 votes, 4.08 avg. rating



Sab rutain aakar chali jati hain..

Parveen Shakir

Sab rutain aakar chali jati hain,
Mausam-e-gham bhi to hijrat karta..

(rutain;moments)

55 votes, 3.82 avg. rating



Sundar, komal sapnon ki baraat guzar gayi jaana..

Parveen Shakir

Sundar, komal sapnon ki baraat guzar gayi jaana,
Dhoop ankhon tak aa pohanchi hai, raat guzar gayi jana,

Bhanwar samay tak jis ne humain baaham uljhaaye rakha,
Woh albeli resham aesi baat guzar gayi jaana,

Sadaa ki dekhi raat humain is baar mili to chupkay se,
Khaali hath pe rakh ke kya soghaat guzar gayi jaana,

Kis kompal ki aas mein ab tak wese hi sarsabz ho tum,
Ab to dhoop ka mausam hai, barsaat guzar gayi jaana..

42 votes, 4.26 avg. rating



Darwaza jo khola to nazar aaye kharre woh..

Parveen Shakir

bhoola nahin dil hijar ke lamhaat
Darwaza jo khola to nazar aaye kharre woh,
Hairat hai mujhe, aaj kidhar bhool parre woh,

Bhoola nahin dil, hijr ke lamhaat karray woh,
Raatein to barri theen hi, Magar din bhi barre woh,

Kyun jaan pe ban aayi hai bigrra hai agar woh,
Uss ki to yeh aadat ke hawaaon se larre woh,

Alfaaz they us ke ke bahaaron ke peyamaat,
Khushbuu si barasne lagi, yoon phool jharre woh,

Har shakhs mujhe tujhse juda karne ka hwa’haan,
Sun paaye agar aik to dass ja ke jarre woh,

Bachey ki tarah chaand ko choonay ki tammana,
Dil ko koi shay dede to kya kya na array woh,

Tufaan hai to kya gham, mujhe awaz to di jiye,
Kya bhool gaye aap mere kachay gharre woh..

Perveen Shakir

34 votes, 4.24 avg. rating



Tamaam raat mere ghar ka aik dar khulaa raha..

Parveen Shakir

Tamaam raat mere ghar ka aik dar khulaa raha,
Mein raah dekhti rahi woh raasta badal geya..

65 votes, 4.08 avg. rating


Advertisements

We update our poetry database on daily basis so keep coming back for more Parveen Shakir.



love shayari romantic shayari sad shayari nazam shayari

RSS Shayari

  • Aaj kya puraane gham muyassar aaye. August 2, 2015
    Aaj kya puraane gham muyassar aaye, Yaad tum apni inaayat se barrh kar aye..… The post Aaj kya puraane gham muyassar aaye. appeared first on Ranjish.com.
  • Chaand si shakal jo Allah ne de di thi tum ko.. August 1, 2015
    Chaand si shakal jo Allah ne de di thi tum ko, Kaash raushan meri kismat ka sitaara karte..… The post Chaand si shakal jo Allah ne de di thi tum ko.. appeared first on Ranjish.com.
  • Jaane kis raah se aa jaye woh aaney wala.. August 1, 2015
    Jaane kis raah se aa jaye woh aaney wala, Hum ne har simt se deewaar giraa rakhi hai..… The post Jaane kis raah se aa jaye woh aaney wala.. appeared first on Ranjish.com.
  • Jab kisi se koi vaada wafa karta hai.. July 31, 2015
    Jab kisi se koi vaada wafa karta hai, Kaamp uthta hoon ke mere sa hi anjaam na ho..… The post Jab kisi se koi vaada wafa karta hai.. appeared first on Ranjish.com.
  • Ussey kehna ke laut aye, Mohabbat awaz deti hai.. July 30, 2015
    Ussey kehna ke laut aye, Mohabbat awaz deti hai, Tujhe phir se bulati hai, Jo tu ne saath dekhe they, Woh sapne sajaati hai, Woh phoolon pe ruki shabnam Tumhari raah takti hai, Tumhe waapis bulaati hai, Woh jugnu ab bhi kehte hain, Teri ankhen jo unse sawaal karti theen, Ussey jawab dene hain, Saarey […]
  • Ab jiss tarff se chaahe guzar jaye kaarvaan.. July 28, 2015
    Ab jiss tarff se chaahe guzar jaye kaarvaan, Veeraaniyan to meri dil main utar gayin..… The post Ab jiss tarff se chaahe guzar jaye kaarvaan.. appeared first on Ranjish.com.
  • Jiss ke naseeb main hon zamane ki thokrain.. July 27, 2015
    Jiss ke naseeb main hon zamane ki thokrain, Us badnaseeb se na sahaaron ki baat kar..… The post Jiss ke naseeb main hon zamane ki thokrain.. appeared first on Ranjish.com.
  • Jab tum they meri shaam main tha subah ka aalam.. July 26, 2015
    Jab tum they meri shaam main tha subah ka aalam, Tum jab se gaye shaam jhalakti hai sehar main..… The post Jab tum they meri shaam main tha subah ka aalam.. appeared first on Ranjish.com.
  • Ab jo dekhen to koi aesi barri baat na thi.. July 25, 2015
    Ab jo dekhen to koi aesi barri baat na thi, Yeh shab-o-roz, maah-o-saal ka pur-paich safar, Qadrey asaan bhi ho sakta tha, Yeh jo har morr pe kuch uljhe huye raste hain, In main tarteeb ka imkaan bhi ho sakta tha, Hum zara dheyaan se chalte to woh ghar, Jis ke baam-o-dar-o-deewar pe veerani hai, […]
  • Judaayiyan to yeh maana barri qayamat hain.. July 24, 2015
    Judaayiyan to yeh maana barri qayamat hain. Rafaaqton main dukh kis qadar hain kya kehne..… The post Judaayiyan to yeh maana barri qayamat hain.. appeared first on Ranjish.com.