Latest Audio Poetry

Latest Designed Poetry

  • Qatal ho to Tujh sa, maut ho to Tujh si..
  • Yaad dilata hai december..
  • Raat bhar raaat ko ik raat jagaaya jaye..
  • Tere milne ka gumaa’n, tere na milne ki khalish..
  • Na khat koi hoga na paighaam hon ge..
facebook like
twitter

Urdu Parveen Shakir Poetry

This website contains Urdu Parveen Shakir Poetry. Feel free to add your own Urdu Parveen Shakir Poetry here.


-



Parveen Shakir Poetry

Parveen Shakir
1952-1994
Poetries : 108

Parveen Shakir was a legendary female poet who started her professional career in her childhood. Her first book was “Khushbu”. Then she came up with other books named Sad-Barg, Khud’kalaami, and Inkar. Sadly, she died in a car accident while she was going to work in 1994.
We are always willing to add more and more poetry of her, so keep coming back for new poetry.



Chaand Meri Tarah Pighalta Raha

Parveen Shakir Poetry

Chaand Meri Tarah Pighalta Raha
Neend Mein Saari Raat Chalta Raha

Jaanay Kis Dukh Se Dil Girifta Tha
Mun Pe Baadal Ki Raakh Malta Raha

Mein Tou Paaon Ke Kaantay Chunti Rahi
Aur Wo Raasta Badalta Raha

Raat Galyon Mein Jub Bhatakti Thi
Koi Tou Tha Jo Saath Chalta Raha

Sard Rut Mein, Musaafiron Ke Lye
Payrr, Ban Kar Alaao, Jalta Raha

Mausami Bel Thi Mein Sookh Gayi
Wo Tanaawar Darakht, Phalta Raha

Dil, Mere Tan Ka Phool Sa Bacha
Patharon Ke Nagar Mein Palta Raha

Neend Hee Neend Mein Khilonay Lye
Khwaab Hee Khwaab Mein Behelta Raha

1 vote, 5.00 avg. rating



Theher Jaye, Magar Raat Katay

Parveen Shakir Poetry

Theher Jaye, Magar Raat Katay
Koi Soorat Ho Ke Barsaat Katay

Khushbuuain Mujhko Qalam Karti Gayin
Shaakh Dar Shaakh Mere Haath Katay

Mouj-e-Gul Hai Ke Talwaar Koi
Darmiaan Se Hee Manajaat Katay

Harf Kiun Apne Ganwayein Jaa Kar
Baat Se Phele Jahan Baat Katay

Chaand ! Aa Mil Ke Manayein Ye Shab
Aaj Ki Raat Tere Saath Katay

Pooray Insaanon Mein Ghus Aayein Hain
Sar Katay, Jism Katay, Zaat Katay

2 votes, 5.00 avg. rating



Ashk Aankh Mein Phir Atak Raha Hai

Parveen Shakir Poetry

Ashk Aankh Mein Phir Atak Raha Hai
Kankar Sa Koi Khatak Raha Hai

Mein Os Ke Khayaal Se Gurezaan
Wo Meri Sadaa Jhatak Raha Hai

Tehreer Osi Ki Hai, Magar Dil
Khat Parhtay Howay Atak Raha Hai

Hain Phone Pe Kis Ke Saath Baatain
Aur Zehen Kahan Bhatak Raha Hai

Sadyon Se Safar Mein Hai Samandar
Saahil Pe Thakan Tapak Raha Hai

Ek Chaand Salaib-e-Shaakh-e-Gul Per
Baali Ki Tarah Latak Raha Hai

7 votes, 3.43 avg. rating



Hawaa Se Jung Mein Hun, Be-Amaa.n Hun

Parveen Shakir Poetry

Hawaa Se Jung Mein Hun, Be-Amaa.n Hun
Shikasta Kashtiyon Per Baadbaa.n Hun

Mein Sooraj Ki Tarah Hun Dhoop Orrhay
Aur Apne Aap Per Khud Saayebaa.n Hun

Mujhe Baarish Ki Chaahat Ne Dubooya
Mein Pukhta Sheher Ka Kacha Makaa.n Hun

Khud Apni Chaal Ulti Chalna Chaahun
Mein Apne Vaastay Khud Aasmaa.n Hun

Duaaein De Rahi Hun Dushmanon Ko
Ik Hamdard Per Na-Meherbaa.n Hun

Parindon Ko Dua Sikhla Rahi Hun
Mein Basti Chhorr, Jangal Ki Azaa.n Hun

Abhi Tasveer Meri Kia Banay Gi ?
Abhi Tou Canvas Per Ik Nishaa.n Hun

1 vote, 5.00 avg. rating



Tamaam raat mere ghar ka aik dar khula raha

Parveen Shakir Poetry

Tamaam raat mere ghar ka aik dar khula raha,
Main raah dekhti rahi, woh rasta badal geya,

Woh sheher hai ke jadugarniyon ka koi des,
Wahan to jo geya kabhi laut kar na aasaka,

Main wajah-e-tark-e-dosti ko sun ke muskurayi to,
Woh chaunk utha, ajab nazar se mujh ko dekhne laga,

Bichar ke mujh se, halaq ko aziz ho geya hai tu,
Mujhe to jo koi mila, tujhi ko puchta raha,

Woh dilnawaaz lamhe bhi gayi ruton mein aye jab,
Main khawb dekhti rahi, woh mujh ko dekhta raha,

Woh jis ki ek pal ki be’rukhi bhi dil ko haar thi,
Usey khud apne hath se likha hai, mujhe bhool ja,

Damak raha hai aik chaand se jabee’n pe ab talak,
Gurez’paa mohabton ka koi pal theher geya..

1 vote, 5.00 avg. rating



Woh jab se sheher-e-harabaat ko rawaana hua..

Parveen Shakir Poetry

Woh jab se sheher-e-harabaat ko rawaana hua,
Barahe’raast mulaqaat ko zamana hua,

Woh sheher chorr ke jaana to kab ka chahta tha,
Yeh naukri ka bulawaa to ik bahaana hua,

Khudaa kare teri ankhain hamesha hansti rahain,
Yeh aankhain jin ko kabhi dukha ka hausla na hua,

Kinaar-e-sehen chaman sabz bail ke nechey,
Woh roz subah ka milna to ab fasaana hua,

Main sochti hoon ke mujh mein kami thi kis shayy ki,
Ke sab ka ho ke raha woh, bas ik mera na hua,

Kisey bulati hain aangan ki champayi shaakhain,
Ke woh ab apne naye ghar mein bhi purana hua,

Dhanak ke rang main saari to rang li hain mene,
Aur ab yeh dukh, ke pehen kar kise dikhana hua,

Main apne kaano’n main bele ke phool kyon na pehnoon,
Zabaan-e-rang se kiss ko mujhe bulana hua..

2 votes, 5.00 avg. rating



Humain khabar hai, Hawaa ka mizaaj rakhte ho..

Parveen Shakir Poetry

Humain khabar hai, Hawaa ka mizaaj rakhte ho,
Magar yeh kya, ke zara dair ko rukey bhi nahin..

10 votes, 4.50 avg. rating



Jab aankh mein shaam utre, Palkon pe shafaq phooley..

Parveen Shakir Poetry

Jab aankh mein shaam utre,
Palkon pe shafaq phooley,

Kajal ki tarah meri,
Ankh ko dhank choo’ley,

Us waqat koi us ko,
Aankh se meri dekhe,

Palkon se meri choomey..

4 votes, 4.00 avg. rating



Kaisay Chhorain Ose Tanhayi Per

Parveen Shakir Poetry

Kaisay Chhorain Ose Tanhayi Per ?
Harf Aata Hai Maseehayi Per

Oski Shohrat Bhee Tou Phaili Har Suu
Pyaar Aanay Laga Sodaayi Per

Theherti Hee Nahin Aankhain Jaanan !
Teri Tasweer Ki Zebaayi Per

Rashk Aaya Hai Bohat Husn Ko Bhee
Qaamat-e-Ishq Ki Ra’naayi Per

Sataah Se Dekh Ke Andaazay Lagain
Aankh Jaati Hee Nahi Gehraayi Per

Zikar Aaye Ga Jahan Bhanwaron Ka
Baat Ho Gi Meri Harjaayi Ki

Khud Ko Khushbuu Ke Hawaalay Kar Dain
Phool Ki Tarz-e-Paziraayi Per

0 votes, 0.00 avg. rating



Najana kon sa aasaib dil mein basta hai

Parveen Shakir Poetry

Najana kon sa aasaib dil mein basta hai,
Ke jo bhi thehra woh aakhir makaan chor gaya…

5 votes, 4.80 avg. rating



Rung, Khushbuu Mein Agar Hal Ho Jaye

Parveen Shakir Poetry

Rung, Khushbuu Mein Agar Hal Ho Jaye
Vasl Ka Khwaab Mukammal Ho Jaye

Chaand Ka Chooma Howa Surkh Gulaab
Teetri Dekhay Tou Paagal Ho Jaye

Mein Andheron Ko Ujaalon Aisay
Teergi Aankh Ka Kaajal Ho Jaye

Doush Per Baarishain Le Ke Ghoomain
Mein Hawa Aur Wo Baadal Ho Jaye

Narm Sabzay Per Zara Jhuk Ke Chalay
Shabnami Raat Ka Aanchal Ho Jaye

Umer Bhar Thaamay Rahay Khushbuu Ko
Phool Ka Haath Magar Shal Ho Jaye

Chirrya Pat’ton Mein Simat Kar Soye
Pairr Yun Phailay Ke Jangal Ho Jaye

1 vote, 5.00 avg. rating



Agarche Tujh Se Bohat Ikhtilaaf Bhee Na Howa

Parveen Shakir Poetry

Agarche Tujh Se Bohat Ikhtilaaf Bhee Na Howa
Magar Ye Dil Teri Jaanib Se Saaf Bhee Na Howa

Taaluqaat Ke Barzakh Mein Hee Rakha Mujhko
Wo Mere Haq Mein Na Tha Aur Khilaaf Bhee Na Howa

Ajab Tha Jurm-e-Mohabbat Ke Jis Pe Dil Ne Mere
Saza Bhee Paayi Nahee Aur Maaf Bhee Na Howa

Malaamaton Mein Kahan Saans Le Sakain Ge Wo ?
Ke Jin Se Ko-e-Jafa Ka Tawaaf Bhee Na Howa

Ajab Nahee Hai Ke Dil Per Jami Masli Kaayi
Bohat Dinon Se Tou Ye Houz Saaf Bhee Na Howa

Hawa-e-Deher ! Humain Kis Liye Bujhaati Hai ?
Humain Tou Tujh Se Kubhi Ikhtilaaf Bhee Na Howa

3 votes, 4.33 avg. rating



Wo Rut Bhi Aai Ke Mai Phool Ki Sahaili Huii

Parveen Shakir Poetry

Wo Rut Bhi Aai Ke Mai Phool Ki Sahaili Huii
Mehek Mai Champa Kali, Roop Mai Chambeli Huii

Wo Sard Raat Ki Barkha Se Kiyu Na Pyaar Karun ?
Yeh Rut To Hai Mere Bachpan Ke Saath Kheli Huii

Zameen Pe Paaon Nahi Par Rahe Takabbur Se
Nigar-E-Gham Koi Dulhan Nai Nawaili Huii

Wo Chaand Ban Ke Mere Saath Saath Chalta Raha
Mai Us Ke Hijr Ki Raaton Mai Kab Akaili Huii ?

Jo Harf-E-Saada Ki Surat Hamesha Likhi Gai
Wo Larki Tere Liye Kis Tarah Paheli Huii ?

1 vote, 5.00 avg. rating



Shajar Ke Haath Mein Ek Zard Phool Baaqi Hai

Parveen Shakir Poetry

Shajar Ke Haath Mein Ek Zard Phool Baaqi Hai
Abhi Libaas-e-Musaafir Pe Dhool Baaqi Hai

Mere Qabeelay Mein Niklay Subhi Farokhtni
Na Koi Waada Na Koi Usool Baaqi Hai

Duroon-e-Sheher Gulaabon Ki Baa’r Khatam Howi
Kinaaray Sheher Puraani Babool Baaqi Hai

Hawa-e-Sheher-e-Sitam Ko Abhi Pata Na Chalay
Mere Dupattay Mein Ik Surkh Phool Baaqi Hai

2 votes, 3.00 avg. rating



Ghar Ke Mitnay Ka Gham Tou Hota Hai

Parveen Shakir Poetry

Ghar Ke Mitnay Ka Gham Tou Hota Hai
Apne Malbay Pe Kon Sota Hai ????????

Khushbuein Gair Tan Se Aati Hai
Baazuoun Mein Mujhe Samota Hai

Mere Dil ! Aansuoun Se Haath Utha
Kaisi Baarish Se Zakham Dhota Hai

Shaam Hotay Hee Meri Palkon Per
Kon Ye Haar Sa Pirota Hai

Raat Ke Bekaraan Andheray Mein
Koi Jugnu Ki Neend Sota Hai

3 votes, 2.67 avg. rating


Advertisements

We update our poetry database on daily basis so keep coming back for more Parveen Shakir Poetry.



Search Poetry




Popular Poets

love shayari romantic shayari sad shayari nazam shayari urdu poetry dictionary get poetry on your cellphone

RSS Shayari