Latest Audio Poetry

Latest Designed Poetry

  • mainedekhahai-thumb
  • mujhemaloomtha-thumb
  • udasiyonkayehmausam-thumb
  • kyaghazabhai-thumb
  • zindagihai-thumb
facebook like
twitter
  • ahmad faraz top 10 poetry
  • faiz ahmed faiz top 10 poetry
  • noshi gilani top 10 poetry
  • parveen shakir top 10 poetry

Urdu Qateel Shifai

Ranjish.com has lots of Urdu Qateel Shifai Poetry. Feel free to add your own Qateel Shifai Shayari here.


-



Qateel Shifai

Qateel Shifai
1919-2001

Qateel Shifai is another nice urdu poet. Qateel Shifai Shayari and Qateel Shifai Poetry are common keywords to search for Qateel Shifai Shayari. We have lots of Qateel Shifai Shayari for you to enjoy.



Tumhari anjuman se uth kar deewane kahan jate..

Qateel Shifai

Tumhari anjuman se uth kar deewane kahan jate,
Jo wabasta huye tum se woh afsaane kahan jate,

Nikal kar dair o kaaba se agar milta na maikhana,
To thukraye huye insaan khuda jane kahan jate,

Tumhari berukhi ne laaj rakh li baada-khane ki,
Tum ankhon se pilaa dete to paimaane kahan jate,

Chalo acha hua kaam aa gayi deewangi apni,
Wagarna hum zamaane bhar ko samjhaane kahan jate,

Qateel apna muqadar gham se begaana agar hota,
To apne paraaye hum se pehchaane kahan jaate..

Listen this Poetry »

14 votes, 4.64 avg. rating



Pareshan raat sari hai sitaro tum to so jao..

Qateel Shifai

Pareshan raat sari hai sitaro tum to so jao,
Sukuut-e-marg taari hai sitaro tum to so jao,

Hanso aur hanste hanste duubte jaye khalaaon main,
Hameen pe raat bhaari hai sitaro tum to so jao,

Hamen to aaj ki shab pau phatte tak jaagna ho ga,
Yehi qismat hamari hai sitaaro tum to so jao,

Tumhen kya aaj bhi koi agar milne nahin aya,
Yeh baazi hum ne haari hai sitaro tum to so jao,

Kahe jaate ho ro ro kar hamara haal duniya se,
Yeh kaisi raazdaari hai sitaro tum to so jao,

Hamen bhi neend aa hi jaye gi hum bhi so hi jayen ge,
Abhi kuch be-qaraari hai sitaro tum to so jao..

Listen this Poetry »

10 votes, 4.80 avg. rating



Ussay kaho milne ki ab dua na kare..

Qateel Shifai

usay kaho milne ki dua na kare

Ussay kaho milne ki ab dua na kare,
Guzar gaye hain jo lamhe unhe haraa na kare,

Mujhe bhi khawb ke sehraa main ab nahin rehna,
Ussay kaho ke khawbon se ab wafaa na kare,

Agar mile to khuloos-o-wafa sath ho uss ke,
Woh darmiyaan main koi maslaa anaa na kare,

Dilon ke dard hamesha hi risste rehte hain,
Jo saamne to rahe hai magar gilaa na kare,

Tumhare naam ki tasbeeh yeh kab se karta hai,
Mera yeh dil ke koi kaam ab kiyaa na kare,

Main apne naam se roshan rahoon ga duniya main,
Ussay kaho ke meri jaanib koi diyaa na kare..

31 votes, 4.19 avg. rating



Dil ko gham-e-hayaat gavaara hai in dinon..

Qateel Shifai

Dil ko gham-e-hayaat gavaara hai in dinon,
Pehle jo dard tha wohi chaara hai in dinon,

Har sail-e-ashk saahil-e-taskeen hai aaj kal,
Daryaa ki mauj mauj kinaara hai in dinon,

Yeh dil zara sa dil teri yaadon mein kho geya,
Zaray ko aandhiyon ka sahaara hai in dinon,

Shaamon mei ab nahin hai woh pehli si roshni,
Kyaa waqeyi woh anjuman-e-aaraa hai in dinon,

Tum aa sako to shab ko barrhaaa do kuch aur bhi,
Apne kahe mei subh ka taara hai in dinon..

14 votes, 4.57 avg. rating



Mere qad ki bhi hadh se bhi guzar geya..

Qateel Shifai

Aakhir woh mere qad ki bhi hadh se bhi guzar geya,
Kal shaam main to apne hi saaye se ddar geya..

53 votes, 3.91 avg. rating



Aye dost teri aankh jo namm hai to mujhe kya..

Qateel Shifai

Aye dost teri aankh jo namm hai to mujhe kya,
Main khuub hansuunga tujhe gham hai to mujhe kya,

Kya main ne kaha tha ke zamaane se bhalaa kar,
Ab tuu bhi sazavaar-e-sitam hai to mujhe kya,

Haan le le qasam gr mujhe qatra bhi mila ho,
Tuu shaaki-e-arbaab-e-karam hai to mujhe kya,

Jiss dar se nidaamat ke siva kuch nahin milta,
Uss dar pe tera sar bhi jo khham hai to mujhe kya,

Maine to pukaara hai mohabbat ke ufaq se,
Raaste mei tere sang-e-haram hai to mujhe kya,

Bhuula to na hoga tujhe suqraat ka anjaam,
Haathon mei tere saaghar-e-sam hai to mujhe kya,

Pathar na parren gr sar-e-bazaar to kehna,
Tuu mo.tarif-e-husn-e-sanam hai to mujhe kya,

Main sarmad-o-mansuur banaa hoon teri khaatir,
Yeh bhi teri umeed se kam hai to mujhe kya..

10 votes, 5.00 avg. rating



Rahon pe nazar rakhna, honton pe dua rakhna..

Qateel Shifai

Rahon pe nazar rakhna honton pe dua rakhna,
Aa jaye koi shayed darwaza khula rakhna,

Ehsaas ki shamaa ko is tarah jalaa rakhna,
Apni bhi khabar rakhna us ka bhi pata rakhna,

Raaton ko bhatakne ki deta hai saza mujhe,
Dushwaar hai pehlu main, dil tere bina rakhna,

Logon ko nigaahon se parh lene ki aadat hai,
Logon ki tehreeron ko logon se bacha rakhna,

Bholoon main agar aye dil, tu yaad dila dena,
Tanhai ke lamhon ka har zakham haraa rakhna,

Ik boond bhi ashkon ki daaman na bhigo paaye,
Gham uss ki amaanat hai, palkon pe sajaa rakhna,

Iss tarah Qateel us se bartaao rahe apna,
Woh bhi na bura maane, dil ka bhi kahaa rakhna..

64 votes, 4.55 avg. rating



Mere samney churaa liya geya mujhe..

Qateel Shifai

Na jane kin adaaon se lubhaa liya geya mujhe,
Qateel mere samney churaa liya geya mujhe,

Kabhi jo un ke jashn mein seyaahiyan bikhar gayin,
To roshni ke vaastey jalaa liya geya mujhe,

barah-e-raast raabta na mujhse tha qabool unhe,
Likhaa ke khat raqeeb se bulaa liya geya mujhe,

Jab un ke deed ke liye qitaar mein kharra tha mein,
Qitaar se na jaane kyun hattaa liye geya mujhe,

Mein rondney ki cheez tha kisi ke paon se magar,
Kabhi kabhi to zulff mein sajaa liya geya mujhe,

Sawaal tha ke wafaa hai kya, jawab tha ke zindagi,
Qateel pyar se galey laga liya geya mujhe..

35 votes, 4.03 avg. rating



Usey kaho ke milne ki ab dua na kare..

Qateel Shifai

Usey kaho ke milne ki ab dua na kare,
Guzar gaye hain jo lamhe unhe haraa na kare,

Mujhe bhi khawb ke sehraa main ab nahin rehna,
Usey kaho ke khawbon se ab wafaa na kare,

Agar milay to khuloos o wafaa ho sath us ke,
Woh darmeyan main koi masla-e-anaaa na kare,

Dilon ke dard hamesha hi rastey rehte hain,
Magar yeh dukh ke kabhi ankh haq adaa na kare,

Hamarey hath mein rekha-e-wasl to hai magar,
Yeh khauf hai ke muqaddar kahin wafaa na kare,

Khuda gawah ke usey dekh kar hi jeetey hain,
Jo samney to rahe hain magar gilaa na kare,

Tumhare naam ki tasbeeh yeh kab se karta hai,
Mera yeh dil ke koi kaam ab kiya na kare,

Main apne naam se roshan rahoon ga dunya main,
Usey kaho meri jaanib koi diyaa na kare..

29 votes, 4.34 avg. rating



Sadmaa to hai mujhe bhi ke tujhse judaa hoon main..

Qateel Shifai

Sadmaa to hai mujhe bhi ke tujhse judaa hoon main,
Lekin yeh sochta hoon ke ab tera kya hoon main,

Mein khudkushi ke jurm ka karta hoon aitraaf,
Apne badan ki kabr mein, kab se garrhaa hoon mein,

Kis kis ka naam laaon zubaan par ke tere saath ,
Har roz ek shaks neya dekhta hoon ,

Kyaa jaane kis adaa se liya tu ne mera naam ,
Duniyaa samajh rahi hai, ke sab kuch tera hoon main,

Le mere tajrubon se sabak, aye mere raqeeb,
Do-chaar saal umar mein, tujhse barra hoon main,

Jaaga huwa zameer woh aiyeena hai “Qateel”,
Soney se pehlay roz, jisey dekhta raha hoon main..

36 votes, 4.61 avg. rating


Advertisements

We update our poetry database on daily basis so keep coming back for more Qateel Shifai.



love shayari romantic shayari sad shayari nazam shayari

RSS Shayari

  • Maine dekha hai keyi baar palatt ke.. April 29, 2016
    Maine dekha hai keyi baar palatt ke, Tum kahin bhi to dikhaayi nahin dete..… The post Maine dekha hai keyi baar palatt ke.. appeared first on Ranjish.com.
  • Mujhe maloom tha yeh sab.. April 28, 2016
    Mujhe maloom tha yeh sab, mera wajdaan kehta tha, Ik haadsa darpaish hona hai, mujhe darwaish hona hai..… The post Mujhe maloom tha yeh sab.. appeared first on Ranjish.com.
  • Udasiyon ka yeh mausam badal bhi sakta tha.. April 27, 2016
    Udaasiyon ka yeh mausam badal bhi sakta tha, Woh chahta to mere sath chal bhi sakta tha, Woh shakss tu ne jis ko chorrne ki jaldi ki, Tere mizaaj ke saanchay main dhhal bhi sakta tha, Woh jald-baaz khafaa ho kar chal diya warna, Tanaazaat ka koi hall nikal bhi sakta tha, Anaaa ne hath […]
  • To main bhi khush hoon.. April 26, 2016
    To main bhi khush hon koi us se ja ke keh dena, Agar woh khush hai mujhe be-qaraar karte huye, Tumhe khabar hi nahin hai ke koi toot geya, Mohababton ko bohat paayedaar karte huye..… The post To main bhi khush hoon.. appeared first on Ranjish.com.
  • Toot jaye na bharam hont hilaaon kese.. April 25, 2016
    Toot jaye na bharam hont hilaaon kese, Haal jesa bhi hai logon ko sunaaon kese, Khushk ankhon se bhi ashkon ki mehak ati hai, Main tere gham ko zamane se chupaaon kese, Teri suurat hi meri ankhon ka sarmaya hai, Tere chehre se nigaahon ko hattaaon kese, Tu hi batlaa meri yaadon ko bhulaane wale, […]
  • Us ke nazdeek gham-e-tark-e-wafa kuch bhi nahin.. April 24, 2016
    Us ke nazdeek gham-e-tark-e-wafa kuch bhi nahin, Mutmayin aesa hai woh jese ke hua kuch bhi nahin, Ab to hathon se lakeeren bhi mitti jaati hain, Us ko kho kar to mere pas raha kuch bhi nahin, Kal bicharrna hai to phir ehd-e-wafaa soch ke baandh, Abhi aghaaz-e-mohabbat hai geya kuch bhi nahin, Main to […]
  • Kahin door chal mere hamnawaa.. April 23, 2016
    Kisi aur bassti main dil laga, kahin door chal mere hamnawaa, Hai sheher mukamal faraib ka, kahin door chal mere hamnawaa, Har shakss matlab parast hai, humen is nagar main shikast hai, Na tera hai koi na hai mera, kahin door chal mere hamnawaa, Ab nafsa nafsi ka daur hai, be-reham logon ka zor hai, […]
  • Kya ghazab hai ke hijr ke din bhi.. April 22, 2016
    Kya ghazab hai ke hijr ke din bhi, Zindagi main shumaar hote hain.. `… The post Kya ghazab hai ke hijr ke din bhi.. appeared first on Ranjish.com.
  • Itni muddat baad mile ho.. April 21, 2016
    Itni muddat baad mile ho, Kin sochon main gum rehte ho, Itne haayef kyun rehte ho, Har aahatt pe ddar jate ho, Taiz hawa ne mujh se pucha, Rait pe kya likhte rehte ho, Kash koi hum se bhi pooche, Raat gaye tak kyun jaage ho, Main daryaa se bhi dartaa hoon, Tum daryaa se […]
  • Duniya ki taraf laut ke aanay ke nahin hum.. April 18, 2016
    Duniya ki taraf laut ke aanay ke nahin hum, Sach baat yeh hai tere zamaane ke nahin hum, Awaaz mizaaji bhi tabiyat nahin apni, Wese to kisi thikaane ke nahin hum, Ik dard ki daulat hai jise banttay phiray, Maalik bhi kisi aur khazaane ke nahin hum, Tu ne to abhi khail ka aghaaz kiya, […]