Rehman Faris

Ranjish.com has lots of Urdu Rehman Faris Poetry. Feel free to add your own Rehman Faris Shayari here.

Rehman Faris Collection

Rahman Faris

Rehman Faris is a popular poet from Pakistan. At Ranjish.com, you will be able to read and enjoy the best Rehman Faris Poetry.

Sher ka soona chaman kuch aur khali ho geya,
Haye kese shakhss se indor khali ho geya,

Sarhadon ke is taraf bhi us ki rahat thi bohat,
Aesa lagta hai mera lahore khali ho geya,

Kesi kesi ronaqen thi us ke ik ik sher main,
Ik zamana gum hua, ik daur khali ho geya,

Poochte hain ab ghazal-abad ke deewar-o-dar,
Yeh bhara ghar kis tarah fil-for khali ho geya..

Bethe hain chain se kahin jana to hai nahin,
Hum be-gharon ka koi thikana to hai nahin,

Tum bhi ho beete waqt ke manind hu-ba-hu,
Tum ne bhi yaad aana hai, aana to hai nahin,

Ehd-e-wafa se kis liye khaif ho meri jaan,
Kar lo ke tum ne ehd nibhana to hai nahin,

Woh jo humen aziz hai kesa hai kaun hai,
Kyun puchte ho hum ne batana to hai nahin,

Duniya hum ehl-e-ishq pe kyun phenkti hai jaal,
Hum ne tere faraib main aana to hai nahin,

Koshish karen to laut hi aye ga ek din,
Woh aadmi hai guzra zamana to hai nahin,

Woh ishq to kare ga magar dekh-bhaal ke,
Faris woh tere jaisa deewana to hai nahin..

Ishq main kaam nahin zor zabardasti ka,
Jab bhi tum chaho juda hona, juda ho jana..