audio poetry

Latest Video Poetry

design poetry

Latest Designed Poetry

  • shart-thumb
  • khushkhush-thumb
  • wohwaqtkajahaz-thumb
  • jakelaut-thumb
  • dilmainaur-thumb
facebook like
twitter

Sahir Ludhianvi

Ranjish.com has lots of Urdu Sahir Ludhianvi Poetry. Feel free to add your own Sahir Ludhianvi Shayari here.

Sahir Ludhianvi Collection

Sahir Ludhianvi
1921-1980

Sahir Ludhianvi is well known poet from India. Here we have random collection of his poetries from his several poetry books.



Kabhi kabhi mere dil main khayaal ata hai..

Sahir Ludhianvi

Kabhi kabhi mere dil main khayaal ata hai,

Ke zindagi teri zulgon ki narm chaaon main,
Guzarne paati to shadaab ho bhi sakti thi,

Yeh teergi jo meri zeest ka muaqaddar hai,
Teri nazar ki shuaaon main kho bhi sakti thi,

Ajab na tha ke main begana-e-alam ho kar,
Tere jamaal ki raaa-nayion main kho rehta,

Tera gudaaz badan teri neem-baaz ankhen,
Inhin haseen fasaanon main mehvv ho rehta,

Pukaartin mujhe jab talkhiyaan zamane ki,
Tere labon se halaavat ke ghoont pe leta,

Hayaat cheekhti phirti barhana sar aur main,
Ghaneri zulfon ke saaye main chhup ke jee leta,

Magar yeh ho na saka aur ab yeh aalam hai,
Ke tu nahin tera gham teri justaju bhi nahin,

Guzar rahi hai kuch is tarah zindagi jaise,
Isay kisi ke sahaaray ke aarzuu bhi nahin,

Zamane bhar ke dukhon ko laga chuka hoon galay,
Guzar raha hoon kuch anjani rah-guzaaron se,

Muheeb saaye meri samt barrhte aatey hain,
Hayaat o maut ke pur-haul kharzaaron se,

Na koi jaada-e-manzil na raushni ka suraagh,
Bhatak rahi hai khalaaon main zindagi meri,

Inhin khalaaon main reh jaaon ga kabhi kho kar,
Main janta hoon meri ham-nafas magar yunhi,

Kabhi kabhi mere dil main khayaal ata hai..

Watch Video



Yeh duniya agar mil bhi jaye to kya hai..

Sahir Ludhianvi

Yeh mehlon, yeh takhton, yeh taajon ki duniya,
Yeh insaan ke dushman samaajon ki duniya,
Yeh daulat key bhookhay rawajon ki duniya,
Yeh duniya agar mil bhi jaaye to kya hai,
Yeh duniya agar mil bhi jaaye to kya hai,

Har ek jism ghayal, har ek rooh pyaasi,
Nigahon mein uljhan, dilon mein udaasi,
Yeh duniya hai ya aalam-e-badhawasi,
Yeh duniya agar mil bhi jaye to kya hai,

Yahaan ik khilona hai insaan ki hasti,
Yeh basti hai murda paraston ki basti,
Yahaan to jeevan se hai maut sasti,
Yeh duniya agar mil bhi jaye to kya hai,

Jawaani bhatakti hai badkaar ban kar,
Jawaan jism sajtey hein bazaar ban kar,
Yahaan pyaar hota hai byopaar ban kar,
Yeh duniya agar mil bhi jaye to kya hai,

Yeh duniya jahaan aadmi kuch nahi hai,
Wafaa kuch nahi, dosti kuch nahi hai,
Yahaan pyaar ki qadar hi kuch nahi hai,
Yeh duniya agar mil bhi jaye to kya hai,

Jala do isey, phoonk daalo yeh duniya,
Mere saamne se hattaa lo ye duniya,
Tumhari hai tum hi sambhalo yeh duniya,
Yeh duniya agar mil bhi jaye to kya hai..

Watch Video



Zamaane ab to khush ho..

Sahir Ludhianvi

mohabbat tark ki

Mohabbat tark ki maine, girebaan sii liya maine,
Zamaane ab to khush ho zeher yeh bhi pii liya maine..



Phir na kijey meri gustaakh nigaahi ka gila..

Sahir Ludhianvi

pyar se dekha
Phir na kijey meri gustaakh nigaahi ka gila,
Dekhiye aap ne phir pyaar se dekha mujhe..



Kon rota hai kisi aur ki khaatir aye dost..

Sahir Ludhianvi

Kon rota hai kisi aur ki khaatir aye dost,
Sab ko apni hi kissi baat pe rona aaya..



Ab to daaman-e-dil chorr do bekaar umeedo..

Sahir Ludhianvi

Ab to daaman-e-dil chorr do bekaar umeedo,
Bohat dukh sehh liye mene bohat din jee liya mene..



Sazaa ka haal sunaayen jazaa ki baat karen..

Sahir Ludhianvi

Sazaa ka haal sunaayen jazaa ki baat karen,
Khudaa mila ho jinhe woh khudaa ki baat karen,

Unhen pata bhi chale aur woh khafaa bhi na hon,
Iss ehtiyaat se kya mudaa.aa ki baat karen,

Hamare ehd ki tehzeeb mei qabaa hi nahin,
Agar qabaa ho to band-e-qabaa ki baat karen,

Har ek daur ka mazhab neyaa khuda laaya,
Karen to hum bhi magar kis khuda ki baat karen,

Wafaa-shuaar keyi hain koi haseen bhi to ho,
Chalo phir aaj ussi bewafaa ki baat karen..



Tang aa chuke hain kashmakash-e-zindagi se hum..

Sahir Ludhianvi

Tang aa chuke hain kashmakash-e-zindagi se hum,
Thukraa na dain jahaan ko kahin be-dili se hum,

Mayuusi-e-maal-e-mohabbat na puuchiye,
Apnon se paish aaye hain begaaangi se hum,

Lo aaj hum ne torr diya rishta-e-umeed,
Lo ab kabhi gila na karenge kisi se hum,

Ubhren ge ek baar abhi dil ke valvale,
Go dabb gaye hain baar-e-gham-e-zindagi se hum,

Gar zindagi mein mil gaye phir ittifaaq se,
Puuchen ge apnaa haal teri bebassi se hum,

Allah re faraib-e-mashiyat ki aaj tak,
Duniyaa ke zulm sehte rahe khamoshi se hum..



Teri duniya mei jeene se to behtar hai ke mar jaayen..

Sahir Ludhianvi

Teri duniya mei jeene se to behtar hai ke mar jaayen,
Wohi aansuu wohi aahen wohi gham hai jidhar jaayen,

Koi to aisa ghar hota jahan se pyaar mil jaata,
Wohi begaane chehre hain jahaan jaayen jidhar jaayen,

Arey o aasmaan waale bataa is mei buraa kya hai,
Khushi ke chaar jhonke gr idhar se bhi guzar jaayen..

Watch Video



Yeh zulf agar khul ke bikhar jaye to acha..

Sahir Ludhianvi

Yeh zulf agar khul ke bikhar jaye to acha,
Iss raat ki taqdeer sanwar jaye to acha,

Jis tarah se thori si tere saath katti hai,
Baaqi bhi issi tarah guzar jaaye to acha,

Duniya ki nigaahon mein bhalaa kya hai bura kya,
Yeh bojh agar dil se utar jaaye to acha,

Waise to tumhiin ne mujhe barbaad kiyaa hai,
Ilzaam kisi aur ke sar jaaye to acha..


Advertisements

We update our poetry database on daily basis so keep coming back for more Sahir Ludhianvi.



love shayari romantic shayari sad shayari nazam shayari