Sahir Ludhianvi Poetry

Latest Audio Poetry

Latest Designed Poetry

  • jabbhiussraahseguzro-thumb
  • tasveermenemaangithi-thumb
  • kiskissewabastakaren-thumb
  • aankhdekhebina-thumb
  • baghmainjake-thumb
facebook like
twitter

Urdu Sahir Ludhianvi

Ranjish.com has lots of Urdu Sahir Ludhianvi Poetry. Feel free to add your own Sahir Ludhianvi Shayari here.


-



Sahir Ludhianvi

Sahir Ludhianvi
1921-1980

Sahir Ludhianvi is well known poet from India. Here we have random collection of his poetries from his several poetry books.



Sazaa ka haal sunaayen jazaa ki baat karen..

Sahir Ludhianvi

Sazaa ka haal sunaayen jazaa ki baat karen,
Khudaa mila ho jinhe woh khudaa ki baat karen,

Unhen pata bhi chale aur woh khafaa bhi na hon,
Iss ehtiyaat se kya mudaa.aa ki baat karen,

Hamare ehd ki tehzeeb mei qabaa hi nahin,
Agar qabaa ho to band-e-qabaa ki baat karen,

Har ek daur ka mazhab neyaa khuda laaya,
Karen to hum bhi magar kis khuda ki baat karen,

Wafaa-shuaar keyi hain koi haseen bhi to ho,
Chalo phir aaj ussi bewafaa ki baat karen..

8 votes, 4.38 avg. rating



Tang aa chuke hain kashmakash-e-zindagi se hum..

Sahir Ludhianvi

Tang aa chuke hain kashmakash-e-zindagi se hum,
Thukraa na dain jahaan ko kahin be-dili se hum,

Mayuusi-e-maal-e-mohabbat na puuchiye,
Apnon se paish aaye hain begaaangi se hum,

Lo aaj hum ne torr diya rishta-e-umeed,
Lo ab kabhi gila na karenge kisi se hum,

Ubhren ge ek baar abhi dil ke valvale,
Go dabb gaye hain baar-e-gham-e-zindagi se hum,

Gar zindagi mein mil gaye phir ittifaaq se,
Puuchen ge apnaa haal teri bebassi se hum,

Allah re faraib-e-mashiyat ki aaj tak,
Duniyaa ke zulm sehte rahe khamoshi se hum..

9 votes, 4.22 avg. rating



Teri duniya mei jeene se to behtar hai ke mar jaayen..

Sahir Ludhianvi

Teri duniya mei jeene se to behtar hai ke mar jaayen,
Wohi aansuu wohi aahen wohi gham hai jidhar jaayen,

Koi to aisa ghar hota jahan se pyaar mil jaata,
Wohi begaane chehre hain jahaan jaayen jidhar jaayen,

Arey o aasmaan waale bataa is mei buraa kya hai,
Khushi ke chaar jhonke gr idhar se bhi guzar jaayen..

Listen this Poetry »

6 votes, 4.00 avg. rating



Yeh zulf agar khul ke bikhar jaye to acha..

Sahir Ludhianvi

Yeh zulf agar khul ke bikhar jaye to acha,
Iss raat ki taqdeer sanwar jaye to acha,

Jis tarah se thori si tere saath katti hai,
Baaqi bhi issi tarah guzar jaaye to acha,

Duniya ki nigaahon mein bhalaa kya hai bura kya,
Yeh bojh agar dil se utar jaaye to acha,

Waise to tumhiin ne mujhe barbaad kiyaa hai,
Ilzaam kisi aur ke sar jaaye to acha..

9 votes, 3.78 avg. rating



Barbaad-e-mohabbat ki duaa sath liye ja..

Sahir Ludhianvi

barbaad e mohabbat ki dua saath liye ja

Barbaad-e-mohabbat ki duaa sath liye ja,
Tuuta hua iqraar-e-wafaa saath liye ja,

Ik dil tha jo pehle hi tujhe somp diya tha,
Yeh jaan bhi ae jaan-e-adaa saath liye ja,

Taptii hui rahon se tujhe aanch na pohanche,
Diwanon ke ashkon ki ghataaa saath liye ja,

Shaamil hai mera khuun-e-jigr teri hinaa mei,
Yeh kum ho to khuun-e-wafaa saath liye ja,

Hum jurm-e-mohabbat ki saza paayen ge tanhaa,
Jo tujh se hui ho woh khataa saath liye ja..

Listen this Poetry »

4 votes, 4.50 avg. rating



Ab aayen ya na ayen idhar puuchte chalo..

Sahir Ludhianvi

Ab aayen ya na ayen idhar puuchte chalo,
Kyaa chahti hai un ki nazar puuchte chalo,

Ham se agar hai tark-e-talluq to kya hua,
Yaaro koi to un ki khabar puuchte chalo,

Jo khud ko keh rahe hain ke manzil-shanaas hain,
Un ko bhi kya khabar hai magar puuchte chalo,

Kis manzil-e-muraad ki janib ravaan hain hum,
Ae raah-e-ravaan e khaak-bassar puuchte chalo..

Listen this Poetry »

5 votes, 4.00 avg. rating



Chehre pe khushi chhaa jaati hai ankhon me suruur aa jata hai..

Sahir Ludhianvi

Chehre pe khushi chhaa jaati hai ankhon me suruur aa jata hai,
Jab tum mujhe apna kehte ho apne pe ghuruur aa jata hai,

Tum hussn ki khud ik duniyaa ho shayed ye tumhe maluum nahin,
Mehfil mei tumhaare aaney se har cheez pe nuur aa jata hai,

Hum paas se tum ko kya dekhen tum jab bhi muqaabil hote ho,
Betaab nigahon ke aagay pardaa sa zaruur aa jata hai,

Jab tum se mohabbat ki hum ne tab jaa ke kahin yeh raaz khula,
Marne ka saleeqa aatey hi jeenay ka shauur aa jata hai..

Listen this Poetry »

19 votes, 4.47 avg. rating



Kabhii kabhi mere dil main khayaal ata hai..

Sahir Ludhianvi

Kabhi kabhi mere dil main khayaal ata hai,
Ke zindagi teri zulf ki narm chaaon main,
Guzarne paati
To shadaab ho bhi sakti thi,
Yeh teergi jo meri zeest ka muqaddar hai,
Teri nazar ki shoaaon main kho bhi sakti thi,

Ajab na tha ke main begaana-e-alam ho kar,
Tere jamaal ki raanaaiyon main khho rehta,
Tera gudaaz-badan teri niim-baaz ankhen,
Inhii haseen fasaanon me mehvv ho rehta,
Pukaartin mujhe jab talkhiyaan zamaane ki,
Tere badan se halaavat ke ghoont pii leta,

Hayaat cheekhti phirti barhna sar aur main,
Ghaneri zulfon ke saaye me chhup ke ji leta,

Magar yeh ho na saka aur ab yeh aalam hai.
Ke tu nahin tera gham teri justujuu bhi nahin,
Guzar rahii hai kuchh is tarah zindagi,
Usse kissi ke sahaare kii arzuu bhi nahin,

Zamane bhar ke dukhon ko laga chuka hoon gale,
Guzar raha hoon kuch anjaani rahguzaaron se,
Muhiib saaye meri samnt barrhte atey hain,
Hayaat o maut ke pur-hol khaazaaron se,
Na koii jaada-e-manzil na roshni ka suragh,

Bhattak rahi hai khalaaon me zindagi meri,
Inhii khalaaon me reh jaaon ga kabhi kho kar,
Main janta hoon meri hum-nafass magar yuunhi,
Kabhii kabhi mere dil main khayaal ata hai..

8 votes, 4.25 avg. rating



Bharrkaa rahe hain aag lab-e-naghmagar se hum..

Sahir Ludhianvi

Bharrkaa rahe hain aag lab-e-naghmagar se hum,
Khamosh kya rahen ge zamaane ke ddar se hum,

Kuch aur barrh gaye jo andhere to kya hua,
Maayuus to nahin hain tuluu-e-sehar se hum,

Le de ke apne paas faqat ik nazar to hai,
Kyun dekhen zindagi ko kisi ki nazar se hum,

Maaana ke is zameen ko na gulzaar kr sake,
Kuch khaar kum to kar gaye guzre jidar se hum..

2 votes, 3.00 avg. rating



Iss taraf se guzre they qaafile bahaaron ke..

Sahir Ludhianvi

Iss taraf se guzre they qaafile bahaaron ke,
Aaj tak sulagte hain zakhm raahguzaaron ke,

Khalvaton ke shaidaayi khalvaton mei khulte hain,
Hum se puuch kr dekho raaz parda-daaron ke,

Gesu.on ki chaaon mei dil-nawaz chehre hain,
Ya haseen dhundlakon mei phuul hain baharon ke,

Pehle hanss ke milte hain phir nazar churaate hain,
Aashnaa-sift hain log ajnabi dayaaron ke,

Tum ne sirf chaaha hai hum ne chhu ke dekhe hain,
Pairahan ghataaon ke jism barq-paaron ke,

Shughl -e- mai-parasti go jashn-e- na-muraadi tha,
Yuun bhi katt gaye kuch din tere sogvaaron ke..

1 vote, 5.00 avg. rating



Tarab-zaarona pe kya beeti sanam-khaanon pe kya guzri..

Sahir Ludhianvi

Tarab-zaaron pe kya beeti sanam-khaanon pe kya guzri,
Dil-e-zinda tere marhuum armaanon pe kya guzri,

Zameen ne khuun uglaa aasmaan ne aag barsaayi,
Jab insaanon ke dil badle to insaanon pe kya guzri,

Hamen yeh fikr un ki anjuman kis haal mei hogi,
Unhe yeh gham ke un se chuut ke diwanon pe kya guzri,

Mera ilhaad to khair ek laanat tha so hai ab tak,
Magar is aalam-e-wehshat mei imaanon pe kya guzri,

Yeh manzar kaun sa manzar hai pehchaana nahin jata,
Siyaah-khaanon se kuch puucho shabistaanon pe kya guzri,

Chalo woh kufr ke ghar se salaamat aa gaye lekin,
Khudaa ki mumliqat mein sokhta-jaano pe kya guzri..

1 vote, 5.00 avg. rating



Bujhaa diye hain khud apne hathon mohabton ke diye jala ke..

Sahir Ludhianvi

Bujhaa diye hain khud apne hathon mohabton ke diye jala ke,
Meri wafaa ne ujaarr di hain umeed ki bastiyaan basaa ke,

Tujhe bhulaa denge apne dil se yeh faisla to kiya hai lekin,
Na dil ko maluum hai na hum ko jiyenge kaise tujhe bhula ke,

Kabhi milenge jo raaste mei to muunh phiraa kr palatt parrenge,
Kahin sunen ge jo naam tera to chup rahenge nazar jhuka ke,

Na sochne pr bhi sochti huun ke zindgaani mein kya rahe ga,
Teri tamanna ko dafn kr ke tere khayaalon se duur jaa ke..

3 votes, 5.00 avg. rating



Mohabbat tark ki mene, garebaan sii liya mene..

Sahir Ludhianvi

Mohabbat tark ki mene, garebaan* sii liya mene,
Zamane ab to khush ho zeher yeh bhi pii liya mene,

Abhi zinda hoon magar sochta rehta hoon khalvat* me,
Ke ab tak kis tamanna ke sahare jii liya mene,

Unhe apnaa nahin sakta magar itna bhi kya kamm hai,
Ke kuch muddat haseen khawbon mein kho ker jii liya mene,

Bass ab to daaman-e-dil chorr do bekaar umeedo,
Bohat dukh sehh liye mene, bohat din jii liya mene..

(garebaan;collar)(khalvat;privacy)

18 votes, 4.50 avg. rating



Khudaariyon ke khuun ko arzaan na kar sake..

Sahir Ludhianvi

Khudaariyon ke khuun ko arzaan na kar sake,
Hum apne jauhron ko numaayaan na kar sake,

Ho kr kharaab-e-mai tere gham to bhula diye,
Lekin gham-e-hayaat ka darmaan na kar sake,

Tuuta tilissm -e- ehd-e-mohabbat kuch is tarah,
Phir aarzuu ki shamaa firozaan na kar sake,

Har shai qareeb aa ke kashish apni kho gayi,
Woh bhi ilaaj -e- shauq-e-gurezaan na kar sake,

Kis darjaa dil-shikan they mohabbat ke haadse,
Hum zindagi mei phir koi armaan na kar sake,

Maayuusiyon ne cheen liye dil ke valvale,
Woh bhi nashaat-e-ruuh ka samaan na kar sake..

2 votes, 5.00 avg. rating



Hawas naseeb e nazar ko kahien qarar nahi..

Sahir Ludhianvi

Hawas naseeb e nazar ko kahien qarar nahi,
Main muntazir hun magar tera intazar nahi,

Humi say rang e gulistan humi say rang e bahar,
Humi ko nazm e gulistan pey ikhtayar nahi,

Abhi na cher mohabbat kay geet ay matrab,
Abhi hayat ka mahool khushgawar nahi,

Tumharey ehad e wafa ko main ehad kya samjhon,
Mujhey khud apni mohabbat ka aitbar nahi,

Na janey kitney giley is me muztarib hain nadeem,
Wo ek dil kisi ka gila guzar nahi,

Gurez ka nahi qail hayat sey lekin,
Jo sach kahon to mujhey maot nagwar nahi,

Ye kis muqaam pey pohncha dia zamaney ney,
Kay ab hayat pey tera bhi ikhtayar nahi.

Sahir ludhyanvi

13 votes, 4.15 avg. rating


Advertisements

We update our poetry database on daily basis so keep coming back for more Sahir Ludhianvi.



send free sms love shayari romantic shayari sad shayari nazam shayari

RSS Shayari

  • Bandagi ka meri andaaz juda hota hai.. July 6, 2015
    Bandagi ka meri andaaz juda hota hai, Mera kaaba mere sajdon main chupa hota hai..… The post Bandagi ka meri andaaz juda hota hai.. appeared first on Ranjish.com.
  • Khayal-e-yaar me mujh ko yunhi madhosh rehne do.. July 6, 2015
    Khayaal-e-yaar main mujh ko yunhi madhosh rehne do, Na poocho raat ka qissa mujhe khamosh rehne do, Sunaya vasl ka qissa to mere dost yoon bole, Kahan tum kahan us ki haseen aghosh rehne do, Mujhe maloom hai us ne mera hona nahin lekin, Meri umeed mat torro mujhe pur-josh rehne do, Mohabbat jurm hai […]
  • Aandhii ki zadd main sham-e-tamanna jalaayi jaye.. July 6, 2015
    Aandhii ki zadd main sham-e-tamanna jalaayi jaye, Jis tarah bhi ho laaj junoon ki bachaayi jaye, Be-aab o be-giyaah hai yeh dil ka dasht bhi, Ik nehr aansuyon ki yahan bhi bahaayi jaye, Aajiz hain apne taala-e-bedaar se bohat, Har raat hum ko koi kahaani sunaayi jaaye, Sab kuch badal geya hai magar log hain […]
  • Jab bhi uss raah se guzro to ik dukh ki kassak.. July 5, 2015
    Jab bhi uss raah se guzro to ik dukh ki kassak, Tokti hai ke woh darwaza khulaa hai ab bhi..… The post Jab bhi uss raah se guzro to ik dukh ki kassak.. appeared first on Ranjish.com.
  • Ashk-e-ravaan ki nehr hai aur hum hain dosto.. July 4, 2015
    Ashk-e-ravaan ki nehr hai aur hum hain dosto, Uss bewafa ka shehr hai aur hum hain dosto, Yeh ajnabi si manzilein aur raftgaan ki yaad, Tanhaayiyon kaa zehr hai aur hum hain dost, Laayi hai ab urraa ke gaye mausmon ki baas, Barkhaa ki rut ka qehr hai aur hum hain dosto, Phirte hain misl-e-mauj-e-huaaa […]
  • Ab is ghar ki abaadi mehmaanon pr hai.. July 3, 2015
    Ab is ghar ki abaadi mehmaanon pr hai, Koi aa jaye to waqt guzar jaata hai..… The post Ab is ghar ki abaadi mehmaanon pr hai.. appeared first on Ranjish.com.
  • Koi naata na mohabbat ke baraabar niklaa.. July 2, 2015
    Koi naata na mohabbat ke baraabar nikla, Toot kar chaha jisse woh sitamgar nikla, Yoon to har lehar se thi apni shanaasayi bohat, Samjha saahil jisse woh gham ka samandar nikla, Rooh main jhaanka to yeh mehsuus hua mujh ko, Itna zarkhaiz jo lagtaa tha woh banjar nikla, Narmi hathon main na garmi saanson main […]
  • Tasveer mene maangi thi shokhee to dekhiye.. July 1, 2015
    Tasveer mene maangi thi shokhee to dekhiye, Ik phool us ne bhej diya hai gulaab ka..… The post Tasveer mene maangi thi shokhee to dekhiye.. appeared first on Ranjish.com.
  • Yeh kya jagah hai dosto yeh kon sa dayaar hai.. July 1, 2015
    Yeh kya jagah hai dosto yeh kon sa dayaar hai, Hadh-e-nigaah tak jahaan ghubhaar hi ghubaar hai, Har ek jism ruuh ke azaab se nidhaal hai, Har ek aankh shabnami har ek dil figaar hai, Humen to apne dil ki dharrknon pe bhi yaqeen nahin, Khosha woh log jin ko duusron pe aitbaar hai, Na […]
  • Aayina ab judaa nahin karta.. June 30, 2015
    Aayina ab judaa nahin karta, Qaid mei hoon rihaa nahin karta, Mustaqil sabr mei hai koh-e-giraan, Naqsh-e-ibrat sadaa nahin karta, Rang-e-mehfil badaltaa rehta hai, Rang koi wafaa nahin karta, Aish-e-duniyaa ki justujuu mat kar, Yeh dafeena mila nahin karta, Ji main aaye jo kar guzarta hai, Tuu kisi ka kahaa nahin karta, Ek waaris hamesha […]