Sahir Ludhianvi

Tarab-zaaron pe kya beeti sanam-khaanon pe kya guzri,
Dil-e-zinda tere marhuum armaanon pe kya guzri,

Zameen ne khuun uglaa aasmaan ne aag barsaayi,
Jab insaanon ke dil badle to insaanon pe kya guzri,

Hamen yeh fikr un ki anjuman kis haal mei hogi,
Unhe yeh gham ke un se chuut ke diwanon pe kya guzri,

Mera ilhaad to khair ek laanat tha so hai ab tak,
Magar is aalam-e-wehshat mei imaanon pe kya guzri,

Yeh manzar kaun sa manzar hai pehchaana nahin jata,
Siyaah-khaanon se kuch puucho shabistaanon pe kya guzri,

Chalo woh kufr ke ghar se salaamat aa gaye lekin,
Khudaa ki mumliqat mein sokhta-jaano pe kya guzri..

Bujhaa diye hain khud apne hathon mohabton ke diye jala ke,
Meri wafaa ne ujaarr di hain umeed ki bastiyaan basaa ke,

Tujhe bhulaa denge apne dil se yeh faisla to kiya hai lekin,
Na dil ko maluum hai na hum ko jiyenge kaise tujhe bhula ke,

Kabhi milenge jo raaste mei to muunh phiraa kr palatt parrenge,
Kahin sunen ge jo naam tera to chup rahenge nazar jhuka ke,

Na sochne pr bhi sochti huun ke zindgaani mein kya rahe ga,
Teri tamanna ko dafn kr ke tere khayaalon se duur jaa ke..

Mohabbat tark ki mene, garebaan* sii liya mene,
Zamane ab to khush ho zeher yeh bhi pii liya mene,

Abhi zinda hoon magar sochta rehta hoon khalvat* me,
Ke ab tak kis tamanna ke sahare jii liya mene,

Unhe apnaa nahin sakta magar itna bhi kya kamm hai,
Ke kuch muddat haseen khawbon mein kho ker jii liya mene,

Bass ab to daaman-e-dil chorr do bekaar umeedo,
Bohat dukh sehh liye mene, bohat din jii liya mene..

(garebaan;collar)(khalvat;privacy)

Khudaariyon ke khuun ko arzaan na kar sake,
Hum apne jauhron ko numaayaan na kar sake,

Ho kr kharaab-e-mai tere gham to bhula diye,
Lekin gham-e-hayaat ka darmaan na kar sake,

Tuuta tilissm -e- ehd-e-mohabbat kuch is tarah,
Phir aarzuu ki shamaa firozaan na kar sake,

Har shai qareeb aa ke kashish apni kho gayi,
Woh bhi ilaaj -e- shauq-e-gurezaan na kar sake,

Kis darjaa dil-shikan they mohabbat ke haadse,
Hum zindagi mei phir koi armaan na kar sake,

Maayuusiyon ne cheen liye dil ke valvale,
Woh bhi nashaat-e-ruuh ka samaan na kar sake..

Hawas naseeb e nazar ko kahien qarar nahi,
Main muntazir hun magar tera intazar nahi,

Humi say rang e gulistan humi say rang e bahar,
Humi ko nazm e gulistan pey ikhtayar nahi,

Abhi na cher mohabbat kay geet ay matrab,
Abhi hayat ka mahool khushgawar nahi,

Tumharey ehad e wafa ko main ehad kya samjhon,
Mujhey khud apni mohabbat ka aitbar nahi,

Na janey kitney giley is me muztarib hain nadeem,
Wo ek dil kisi ka gila guzar nahi,

Gurez ka nahi qail hayat sey lekin,
Jo sach kahon to mujhey maot nagwar nahi,

Ye kis muqaam pey pohncha dia zamaney ney,
Kay ab hayat pey tera bhi ikhtayar nahi.

Sahir ludhyanvi

Jab kabhi un ki tawajjoh mei kammi paayi gayi,
Az-sar-e-nau daastaan-e-shauq dohraayi gayi,

Bik gaye jab tere lab phir tujh ko kya shikwa agar,
Zindgaani baada o saaghar se behlaayi gayi,

Ae gham-e-duniyaa tujhe kya ilm tere vaaste,
Kin bahaanon se tabiyat raah main laayi gayi,

Hum karen tark-e-wafaa acha chalo yuun hi sahi,
Aur agar tark-e-wafaa se bhi na ruswaayi gayi,

Kaise kaise chasm o aariz gard-e-gham se bujh gaye,
Kaise kaise paikaron ki shaan-e-zebaayi gayi,

Dil ki dharrkan me tavaazun aa chala hai khair ho,
Meri nazren bujh gayi.n yaa teri ranaayi gayi,

Un ka gham un ka tasavvur un ke shikwe ab kahan,
Ab to yeh baaten bhi ae dil ho gayin aayi gayi,

Jurat-e-insaan pe go taadeeb ke pehre rahe,
Fitrat-e-insaan ko kab zanjeer pehnaayi gayi,

Arsaa-e-hastii mei ab tesha-zanon kaa daur hai,
Rasm-e-changezi uthii tauqeer-e-daaraayi gayi..

Dil Se Mila Ke Dil Pyar Kijiye!
Koi suhana iqrar kijiye,
O sharmaana kesa, ghabrana kesa,
Jeene se pehle mar jaana kesa,
Aanchlon ki chaaon mein,
Ras bhari fizaon mein,
Is zindagi ko gulzar kijiye,

Dil Se Mila Ke Dil Pyar Kijiye,

Aati baharain, jaati baharain!
Kab se khari hain bandhey qatarain,
Chaa rahi hai bekhudi,
Keh rahi hai zindagi,
Jee ki umangain beidaar kijiye,

Dil Se Mila Ke Dil Pyar Kijiye!

Dil se bhula ke ruswaayion ko,
Jannat bana le tanhayion ko,
Aarzuu jawan hai,
Waqt meherbaan hai,
Dil ko na jane hosheyaar kihjiye,

Dil Se Mila Ke Dil Pyar Kijiye!

(Bandhe Qatarain:Queue)(Umangain:Wishes)(Beidaar:Wake Up)(Ruswaayion:Insults)

Sangay mar-mar se tarasha hua ye shukh badan
Itna dil kash hai ke apnanay ko ji chahta hai

surkh honton mein terkti hai ye rangeen sharaab
jisay pe kar bhahak janay ko ji chahta hai

naram seenay mein darktay hain woh nazuk tufaan
jin ki lahroon mein utar janay ko ji chahta hai

Tum se kya rishta hai, kab se hai, yeh maloom nahin,
Lekin is hussn pe mar janey ko jee chahta hai,

Rakh ley kal ke liye yeh doosri pazeb dil,
Kal is bazzm mein phir aney ko jee chahta hai,

Be-khabar soye hain woh loot ke neendain meri,
Jazba-e-dil pe tarss khaney ko jee chahta hai,

Kab se khamosh ho aye jane jahan kuch to bolo,
Kya abhi bhi sitam aur dhaney ko jee chahta hai,

Chorr kar tum ko kahan chain miley ga hum ko,
Yahin jeeney yahin mar janey ko jee chahta hai,

Apne hathon se sanwara hai tumhein qudrat ne,
Dekh ker dekhte reh jane ko jee chahta hai,

Noor hi noor jhalakta hai haseen chehre se,
Bas yahin sajde mein gir janey ko jee chahta hai,

Mere daman ko koi aur na chuu paye ga,
Tum ko chuu kar kasam yeh khaney ko jee chahta hai,

Chand chehra hai tera aur nazar hai bijli,
Aik ik jalwe pe mar janey ko jee chahta hai,

Chand ki hasti hi kya samne jab suraj ho,
Aap ke kadmon mein mitt janey ko jee chahta hai…

(Sangay Mar-Mar:A Type of Precious Stone)

Gham is kadar barhey ke mein ghabra ke pee gaya,
Is dil ki be-basi pe tarss kha ke pee gaya,
Thukra raha tha mujh ko bari der se jahan,
Main aaj sab jahan ko thukraa ke pee gaya..

Torr lenge hr ik shai se rishta torr dene ki naubat to aye,
Hum qayamat ke khud muntazir hain pr kisi din qayaamat to aye,

Hum bhi suqraat hain ehd-e-nau ke tishna-lab hi na mar jayen yaro,
Zehr ho ya mai-e-aatisheen ho koi jaam-e-shahaadat to aye,

Ek tehzeeb hai dosti ki ek meyaar hai dushmani ka,
Doston ne muravvat na seekhi dushmanon ko adawat to aye,

Rind raste mei aankhen bichaayen jo kahe bin sune maan jayen,
Naaseh -e- nek-teenat kisi shab suu-e-kuu-e-malaamat to aaye,

Ilm-o-tehzeeb tareekh-o-mantaq log sochenge in maslon pr,
Zindagi ke mashaqqat-qade mei koi ehd-e-faraaghat to aaye,

Kaamp uthen qasr-e-shaahi ke gumbad thartharaaye zameen maabadon ki,
Kuucha-gardon ki vehshat to jaage gham-zadon ko baghaawat to aye..