Tahir Ubaid Taj Poetry

Latest Audio Poetry

Latest Designed Poetry

  • puchenazindagimebhi-thumb
  • qaffarmainqaidkaro-thumb
  • apneyaaronkitabiyatse-thumb
  • aesanamvasalkitadbeeronse-thumb
  • wohkyagayeke-thumb
facebook like
twitter

Urdu Tahir Ubaid Taj

Ranjish.com has lots of Urdu Tahir Ubaid Taj Poetry. Feel free to add your own Tahir Ubaid Taj Shayari here.


-



Tahir Ubaid Taj

Tahir Ubaid Taj is a young upcoming poet from the city of Jhelum in Pakistan. His first poetry book was out in March 2012 by the name “Sab Tere Vaaste”.



Safar khizaan ka, bahaar manzil..

Tahir Ubaid Taj

Safar khizaan ka, bahaar manzil,
Hai fasilon ki shikaat manzil,

Mujhe ussi ne yeh khauf bakhsha,
Ke jis ne di thi udhaar manzil,

Ilaahi kuch tu hi silaa de,
Nazar ki hadh se guzaar manzil,

Tu jeet jaye ga, jeet mujh ko,
Tere galey ka hai haar manzil,

Tujhe talab thi ke mein bhi ro’un,
Aa dekh zaar-o-qitaar manzil,

Hird ka ultaa moaamla tha,
Gulaab rahain, to khaar manzil,

Jalaa ke nikla jo apne ghar ko,
Dhuaan si rahain, ghubaar manzil,

Ke meri sansain ukharr rahi hain,
Abhi to mujh ko pukaar manzil,

Khabar mili hai woh laut aya,
Ab us ke sar par se waar manzil,

Main aasmanon ko khaujta hoon,
Sunaa tha unke hai paar manzil,

Azal-abad ki talaash mein hai,
Ujaal rahain, sanwaar manzil,

Taaj khud hi kuch susst tha warna,
Talab mein thi be’qaraar manzil..

1 vote, 3.00 avg. rating



Lamha lamha raat bhar ankhon mein utri chandni..

Tahir Ubaid Taj

Lamha lamha raat bhar ankhon mein utri chandni,
Thi teri rukhsaar si ujli, woh nikhri chandni,

Yaad hai woh sath tera aur tere kandhey ki shaal,
Sardiyon ki raat mein woh bheegi bheegi chandni,

Woh tera apni hi baahon mein simattna sharam se,
Aur tere masoom chehrey per woh simtti chandni,

Jab hawaa ke dosh pe sun’na meri bazm-e-ghazal,
Mujh se kehna “hai mere aangan main bikhri chandni”,

Chand! ab to chand mera jaa basaa pardes mein,
Dil ko ab achi nahin lagti hai pheeki chandni..

1 vote, 4.00 avg. rating



Hum bhi nayaab hua kartey they..

Tahir Ubaid Taj

Hum bhi nayaab hua kartey they,
Kisi ka khawab hua kartey they,

Jinhe mein kher’andesh manta tha,
Aese ehbaab hua kartey they,

Aankh sukhey huye daryaa si hai,
Is mein sailaab hua kartey they..

2 votes, 4.00 avg. rating



Beete huye lamhon se tumhe kuch na mile ga

Tahir Ubaid Taj

Beete huye lamhon se tumhe kuch na mile ga,
Ujrrey huye logon se tumhe kuch na mile ge,

Haq cheen lo apna ke agar haq pe ho tum,
In siskiyon aaho’n se tumhe kuch na mile ga,

Apne hon agar paas to sab kuch hai muyassar,
Pardess ki galiyon se tumhe kuch na mile ga,

Woh laut ke aya hai to raahon ko sajao,
Beeti huyi baaton se tumhe kuch na mile ga,

Tahir tujhe be’mol diye aas ke moti,
Socha tha ke apnon se tumhe kuch na mile ga..

1 vote, 5.00 avg. rating



Jo Bhi Hum Ko Mila Kamaal Mila

Tahir Ubaid Taj

Mausam-e-hijar ya wisaal mila,
Jo bhi hum ko mila kamaal mila,

Saans ka silsila tamasha tha,
Khauff ka silsila bahaal mila,

Apne baatin ki hal’wato’n mein,
Jalwa-e-araa tera khayal mila,

Taaj ka tujh pe ik ehsaan hai,
Jab bhi mila hua muhaal mila..

(muhaal;impossible)

0 votes, 0.00 avg. rating



Mein khawhishon ki l’ey mein gaata chala gaya..

Tahir Ubaid Taj

Mein khawhishon ki l’ey mein gaata chala gaya,
Yu’n zindagi ka saath nibhata chala gaya,

Har saans se hua marne marne ka hauslaa,
Jeene ka khauf hum ko satata chala gaya,

Jis jis tarah bhi waqt ne kiya hum se nibah,
Wese hi waqt hum ko banata chala gaya,

Mere qalam mein us ka koi lamss tha chupa,
Woh harf harf mein jo samaata chala gaya,

Thi us ki aarzu ke mein chota nazar aaon,
Woh fasilon ko aur barhaata chala gaya,

Barsat mein kabhi, Kabhi sardi ki raat mein,
Mausam koi bhi aya, Rulata chala gaya,

Lehron ke zarf ne unhe saahil pe aa rakha,
Khat us ke pharr daley, bahata chala gaya,

Tahir ko tu ne somp di purkaar-e-zindagi,
Woh daayer’on mein jis ko ghumata chala gay..

2 votes, 5.00 avg. rating



Mere Aesaab Mein Ik Jo Fariyad Thi, Woh Teri Yaad Thi..

Tahir Ubaid Taj

Mere Aesaab Mein Ik Jo Fariyad Thi, Woh Teri Yaad Thi,
Aur Wehm-o-gumaan Jo Abaad Thi, Woh Teri Yaad Thi,

Mujh Pe Taari Raha Us Ka Ehsaas Baad-e-sabaa Ki Tarah,
Aesa Lagta Hai Jese Chaman-zaad Thi, Woh Teri Yaad Thi,

Ab Ke Yoon Bhi Hua Ke Safar Ne Mujhe Raasta Na Diya,
Faasilon Se, Hadhon Se Jo Azaad Thi, Woh Teri Yaad Thi,

Mere Ehbaab Ne Bhi Kabhi Na Kiya, Woh Mera Zikr Tha,
Tere Ashaaq Ke Lab Pe Fariyaad Thi, Woh Teri Yaad Thi,

Marhalaa Koi Tou Aaye Tajdeed Ka, Phir Teri Deed Ka,
Shaam Mehboos Thi, Soch Barbaad Thi, Woh Teri Yaad Thi,

Kuch Bhi Karne Ko Gar Thaan Lain To Humain Bi Kuch Parwah Nahin,
Mere Fikr-o-amal Ko Jo Seyaad Thi, Woh Teri Yaad Thi,

Apne Baarey Kabi Sochte Taaj Hum Bhi Majboor They,
Hum Ne Majnoon Kiya Aik Iftaad Thi, Woh Teri Yaad Thi..

(aesaab;thoughts)(ehbaab;relatives)(marhalaa;phase)(mehboos:sad)(seyaad;suited)(ashaaq;lover)

2 votes, 5.00 avg. rating


Advertisements

We update our poetry database on daily basis so keep coming back for more Tahir Ubaid Taj.



send free sms love shayari romantic shayari sad shayari nazam shayari

RSS Shayari

  • Puuche na zindagi me kisi ne bhi dil ke dukh.. April 1, 2015
    Puuche na zindagi me kisi ne bhi dil ke dukh, Ab sheher bhar me zikr meri khud-kushi ka hai..… The post Puuche na zindagi me kisi ne bhi dil ke dukh.. appeared first on Ranjish.com.
  • Abhi kuch bhi nahin badla.. April 1, 2015
    Abhi kuch bhi nahin badla, Darakhton per wohi mausam, Abhi tak muskuraate hain, Abhi tak surmayi shaamen, Hamare sath roti hain, Abhi tak mere hontton pe, Tumhare ehmari honton ki khushbuu raqss karti hai, Abhi tak meri aankhon me Tumhare khawb hanste hain, Abhi tak mere hathon pe, Tumhari ungliyon ke naram poron se Likhe […]
  • Aap ko chehre se bhi beemaar hona chahiye.. April 1, 2015
    Aap ko chehre se bhi beemaar hona chahiye, Ishq hai to ishq ka izhaar hona chahiye, Aap dariyaa hain to phir iss waqt khatre me hain, Aap kashtii hain to hum ko paar hona chahiye, Aire-ghaire log bhi parrhne lage hain in donon, Aap ko aurat nahin akhbaar hona chahiye, Zindagi to kab talak dar […]
  • Dil me aur to kya rakha hai.. March 31, 2015
    Dil me aur to kya rakha hai, Tera dard chupaa rakha hai, Itne dukhon ki taiz havaa me, Dil ka deep jalaa rakha hai, Dhoop se chehron ne duniya me, Kyaa andhair machaa rakha hai, Iss nagrii ke kuch logon ne, Dukhh ka naam davaa rakha hai, Vaada-e-yaar ki baat na cherro, Yeh dhokaa bhi […]
  • Baar’haa iss saadgi pe khud hanssi aayi mujhe.. March 30, 2015
    Baar-haa iss saadgi pe khud hanssi aayi mujhe, Kar raha hoon kis zamaane mein wafaa ki baat..… The post Baar’haa iss saadgi pe khud hanssi aayi mujhe.. appeared first on Ranjish.com.
  • Andar ka zeher choom liya dhhul ke aa gaye.. March 30, 2015
    Andar ka zeher choom liya dhhul ke aa gaye, Kitne shareef log they sab khhul ke aa gaye, Suuraj se jangg jeetne nikle they bewaqoof, Saare sipaahi mom ke they ghhul ke aa gaye, Masjid me door door koi duusra na tha, Hum aaj apne aap se mil-jul ke aa gaye, Neendon se jang hoti […]
  • Cigarette jalaaye betha hoon… March 29, 2015
    Cigarette jalaaye betha hoon, chand pal sajaye betha hoon, Dhuyen se is ke humdum, teri suurat banaye betha hoon, Yeh jaanta to hoon main ke hai aadat bohat buri yeh, Pr aadatan hi to main duniya bhulaaye betha hoon, Nafrat thi na tumhe bhi, cigarette ke iss dhuyen se, Dekho ke baad muddat nafrat jagaaye […]
  • Bataayen kya yaaro, kahan thehre kahan pohanche.. March 29, 2015
    Bataayen kya tumhe yaaro, kahan thehre kahan pohanche, Hazaaron daastaanen hain saffar ke saath waabasta..… The post Bataayen kya yaaro, kahan thehre kahan pohanche.. appeared first on Ranjish.com.
  • Baat phoolon ki suna karte they.. March 29, 2015
    Baat phoolon ki suna karte they, Hum kabhi sher kaha karte they, Mish-alen le ke tumhare gham ki, Hum andheron me chala karte they, Ab kahan aisi tabiyat vaale, Chott khaa kar jo jua karte they, Tark -e- ehsaas-e-mohabbat mushkil, Haan magar ehl-e-wafaa karte they, Bikhri bikhri hui zulfon vaale, Qaafile rok liya karte they, […]
  • Apne maahol se manuuss nahin hain ab tak.. March 28, 2015
    Apne maahol se manuuss nahin hain ab tak, Hum kissi aur kahani ki to kirdaar nahin ?..… The post Apne maahol se manuuss nahin hain ab tak.. appeared first on Ranjish.com.