Latest Video Poetry

Latest Designed Poetry

  • deewangishoqko-thumbs
  • abnawohshor-thumbs
  • azaabyehbhikisiaur-thumbs
  • aiksadaameretaqub-thumbs
  • abyehsochoon-thumbs
facebook like
twitter

Urdu Waqas Mehmood Hashmi

Ranjish.com has lots of Urdu Waqas Mehmood Hashmi Poetry. Feel free to add your own Waqas Mehmood Hashmi Shayari here.

Waqas Mehmood Hashmi

Waqas Mehmood Hashmi

Waqas Mehmood Hashmi is a poet from Jhelum, Pakistan. We have got plenty of Waqas Mehmood Hashmi Poetry for you to read and enjoy.



Sapney buntey buntey umar guzar gayi apni..

Waqas Mehmood Hashmi

Band aankh se sapney buntey buntey umar guzar gayi apni,
Tootey dil ke raizey chuntey chuntey umar guzar gayi apni,

Woh hum se bichar kar kese jeeta ho ga,
Bass yehi sochtey sochtey umar guzar gayi apni,

Us ki talaash main nikley, apna pata bhool gaye,
Phir khud ko khojtey khojtey umar guzar gayi apni,

Shamaa ban to gaye roshni ki khaatir,
Magar phir jaltey jaltey umar guzar gayi apni,

Uss ne anaa ki deewaar torr kar pukaara to sahi,
Lekin ruktey ruktey umar guzar gayi apni,

Ab yeh zindagi ussi ki amaanat hai Waqas,
Jiss ki raah taktey taktey umar gayi apni,,



Main tanha akela phirta raha tere sheher mein..

Waqas Mehmood Hashmi

Main tanha akela phirta raha tere sheher mein,
Qadam larrkharratey rahe, chalta raha tere sheher mein,

Teri talash main bhatakta raha galiyon mein ban ke awaara,
Pata tera har kisi se poochta raha tere sheher mein,

Ajab maseeha hai tu ke tujh ko khabar tak na huyi,
Ik mareez tera dard se tarrpta raha tere sheher mein,

Hazaron rishtey, hazaron manzilain thi mere samney,
Kon sa rasta kon si manzil meri, sochta raha tere sheher mein,

Kisi ne sahara deke bachaya, kisi ne manzil se bhatkaya,
Tamasha bani zaat meri aur mein, tamasha dekhta raha tere sheher mein,

Kabhi kanton pe chalaya geya, kabhi deke hansi rulaya geya,
Tere milney ki aas main Waqas gham sehtaa raha tere sheher mein..



Bohat koshish ki magar faasila mitaa na saka..

Waqas Mehmood Hashmi

Bohat koshish ki magar faasila mitaa na saka,
Main lamha bhar ke liye bhi us ko apnaa na saka,

Yun to zindagi ke safar mein keyi humsafar miley humko,
Lekin us ki tarah dil mein koi ghar banaa na saka,

Lagtaa tha dar mujhe tanhaai se bohat,
Shayed issi liye doston ko azmaa na saka,

Is se barh kar aur kya ho, meri mohabbat ka saboot,
Jis ne ghar jalaya mera, uss ke khat tak jalaa na saka,

Barson mene ki thi jis ke qurb ki khawhish Waqas,
Aj woh mera muntazir tha, magar mein qadam barhaa na saka..



Khawb haseen hon to tabeerain rulaa deti hain..

Waqas Mehmood Hashmi

Khawb haseen hon to tabeerain rulaa deti hain,
Hum ghareebon ko hamari taqdeerain rula deti hain,

Paro’n ko apne dekh kar azaad dil ko sakoon hota hai,
Magar paaon main parri huyi zanjeerain rulaa deti hain,

Raat ko teri yaad chain se nahi soney deti,
Din charhey to kamrey main lagi tasveerain rulaa deti hain,

Yu’n to main khaasa khush’mizaaj hoon Waqas, magar,
Kabhi kabhi teri at’aa kardaa gham ki jageerain rula deti hain..



Na chairr batain aaj hijr-o-visaal ki..

Waqas Mehmood Hashmi

Aye dost! Na chairr batain aaj hijr-o-visaal ki,
Main kese sunaa paaon ga daastan apne zawaal ki,

Kabhi waqt ke aasman pe roshan sitarey they hum,
Ab halaat ne bhula di pehchan hadh-o-haal ki..



Uljhey huye hain halaat gham-e-yaar ki tarah..

Waqas Mehmood Hashmi

Uljhey huye hain halaat gham-e-yaar ki tarah,
Zindagi guzaar to rahe hain magar ik beemar ki tarah,

Najane mere shoq-e-safar ko kis ki nazar lag gayi,
Manzil ki jaanib rawaan dawaan hoon magar ik lachaar ki tarah,

Teri be’rukhi ik tarf to us ke na milne ki umeed,
Gham-e-yaar ki bhi aksar lagta hai gham-e-rozgar ki tarah,

Yeh daulat, shohrat, izat, yehi sab to khawb tha tumhara,
Sab paa ke bhi kyon hote ho sogwaar ki tarah,

Tareef teri main kya karoon aye chehra-e-benishaan,
Zulfain raat, hont gulaab, chaand lagta hai rukhsaar ki tarah,

Woh raat bhi kitni ajeeb thi jab woh mere qareeb thi,
Main pighal raha tha mom ban kar, woh dehek rahi thi gulnaar ki tarah,

Jis ko kho diya tum ne apni nadaaniyon se Waqas,
Ab kyon tarapte ho us ke liye pancchi beqaraar ki tarah..



Kuch bhi ho apne maazi se raabta bahaal rakhna..

Waqas Mehmood Hashmi

Kuch bhi ho apne maazi se raabta bahaal rakhna,
Tum kahin bhi jaaon jaana’n apna khayal rakhna,

Main apni zaat ke sab arooj tere naam karta hoon,
Mere liye tum apne hissey ke zawaal rakhna,

Sab batain kamrey mein lage aayiney se na puch lena,
Mere liye bhi baaqi tum apne sawaal rakhna,

Be’niazi shan-e-khudawandi hai, bande ko zaib nahin Waqas,
Iss baar jo milo to tarq-e-taluq ka malaal rakhna..

(arooj;peak)(zawaal;downfall)



Apni aankhon mein mere khawab rehne do

Waqas Mehmood Hashmi

Apni aankhon mein mere khawab rehne do,
Kuch an’kahe sawalon ke jawaab rahne do,

Na milo iss tarah ke dharkane’n ho jayain be’qabu,
Abhi kuch dair zara chehre pe hijaab rehne do,

Cheen lo bhale mujhse mere jugno mere khilone,
Magar abhi zara mere hathon me kitaaab rehne do,

Na karo abyaari in gullo’n ki nafraaton ke paani se,
Abhi inke dilo’n mein mohabton ka nisaab rehne do,

Phir kabhi mile to soche’n ge kya khoya kya paya Waqas,
Abhi nayi manzil hai dono ki, purane hisaab rehne do..



Raat Us Ne Bhi Jaag Ke Guzaari Thi..

Waqas Mehmood Hashmi

Us ki aankhon ki surkhiyan de rahi hain pata,
Ke raat us ne bhi jaag ke guzaari thi,

Bistar ki silwatain bhi sunaa rahi hain daastan,
Ke hijar ki pehli raat us pe kis qadar bhaari thi,

Ab kaun karta hoga tere lab-o-rukhsaar ki tareef,
Hamare baad uljhi huyi zulf kis ne sanwaari thi,

Tu ne apna samajh ke ik baar maangi to hoti,
Jaan ki qasam, kya jaan humain jaan se pyar thi?

Daryaa ke do kinaron ki tarah sath chale per mil na sake,
Kuch woh bhi tha ana’aa parasst, kuch baghiyaana soch hamari thi,

Manzil to door na thi magar hausley qaayem na reh sake Waqas,
Kahin main thak gaya, kahin us ne himmat haari thi..



Maan – Aansu Jo Bahe To Rumaal Ban Jati Hai

Waqas Mehmood Hashmi

Waqt ki karri dhoop mein dhaal ban jati hai,
Mere aansu jo bahe’n to rumaal ban jati hai,

Jis roz maan ki duayain na samait kar mein nikloon,
Us roz yeh zindagi bhi wabaal ban jati hai,

Jo log azmat maan ki pehchaan ke chalte hain,
Taareekh mein bhi un ki misaal ban jati hai,

Maan ho agar saleeqa’mand aur ba’shaoor, Waqas,
Us ke saaye mein shakhsiyat bakamaal ban jati hai..


Advertisements

We update our poetry database on daily basis so keep coming back for more Waqas Mehmood Hashmi.



love shayari romantic shayari sad shayari nazam shayari

RSS Shayari

  • Agar kabhi meri yaad aaye.. June 24, 2016
    Agar kabhi meri yaad aye, To chaand raton ki narm dilgeer roshni main, Kisi sitaare ko dekh lena, Agar woh nakhl-e-falak se urr kar tumhare qadmon main aa gire to, Yeh jaan lena woh istaara tha mere dil ka, Agar na aaye.. Magar yeh mumkin hi kis tarah hai ke tum kisi pr nigaah dalo, […]
  • Tu hamari tarah bassar kar to sahi.. June 21, 2016
    Tu hamari tarah bassar kar to sahi, Zindagi tere bhi maathay pe paseena aa jaye..… The post Tu hamari tarah bassar kar to sahi.. appeared first on Ranjish.com.
  • Kabhi hum khoobsurat thay.. June 20, 2016
    Kabhi hum khoobsurat thay, Kitaabon main bassi khushbu ki maanind, Saans saakin thi, Bohat se an-kahe lafzon se tasveeren banate they, Parindon ke paron pr nazam likh kar, Door ki jheelon main basne wale logon ko sunaate they, Jo hum se door thay lekin hamare paas rehte thay, Naye din ki musaafat jab kiran ke […]
  • Main apne rab ki rehmat ka karoon ka tazkara.. June 19, 2016
    Main apne rab ki rehmat ka karoon ka tazkara aabi, Munaafa mujh ko deta hai khasaara cheen leta hai..… The post Main apne rab ki rehmat ka karoon ka tazkara.. appeared first on Ranjish.com.
  • Mujhe dost ban ke daghaa na de.. June 17, 2016
    Mere hum-nafass mere hum-nawaa, mujhe dost ban ke dagha na de, Main hoon dard-e-ishq se jaan ba-lab mujhe zindagi ki dua na de, Main gham-e-jahan se nidhaal hoon ke saraapa huzn-o-malaal hoon, Jo likhe hain mere naseeb main, woh alam kisi ko khuda na de, Na yeh zindagi meri zindagi, na yeh dastaan meri daastan, […]
  • Us ne aesi chaal chali ke meri maat yaqeeni thi.. June 14, 2016
    Us ne aesi chaal chali ke meri maat yaqeeni thi, Phir apni apni qismat thi, haara main, pachtaaya woh..… The post Us ne aesi chaal chali ke meri maat yaqeeni thi.. appeared first on Ranjish.com.
  • Na aye tujh ko nazar, tu magar udaas na ho.. June 11, 2016
    Na aye tujh ko nazar’ tu magar udaas na ho Talash kar’ woh yahin teray aa’s paas na ho Mujhay yakeen nahin’ uss ko tera paas na ho Tera gumaan na ho’ ya tera qayaas na ho Woh aur kya karay akhir’ agar udaas na ho Beghair ishq na chain aye’ ishq raas na ho […]
  • Deewangi-e-shoq ko yeh dhun hai.. June 10, 2016
    Deewangi-e-shoq ko yeh dhun hai ke in dinon, Ghar bhi ho aur be-dar o deewar sa bhi ho..… The post Deewangi-e-shoq ko yeh dhun hai.. appeared first on Ranjish.com.
  • Tumhare sheher ka mausam barra suhaana lage.. June 7, 2016
    Tumhare sheher ka mausam barra suhaana lage, Main ik shaam chura loon agar bura na lage, Tumhare bas main agar ho to bhool jao humen, Tumhen bhulaane main shayed mujhe zamaana lage, Hamare pyar se jalne lagi hai ik duniya, Dua karo kisi dushman ki baduaa na lage, Na jane kya hai us ki be-baak […]
  • Be-sabab zalzala aalam main nahin ata.. June 6, 2016
    Be-sabab zalzala aalam main nahin ata, Koi betaab teh-khaak tarrapta hoga..… The post Be-sabab zalzala aalam main nahin ata.. appeared first on Ranjish.com.