Latest Audio Poetry

Latest Designed Poetry

  • mainedekhahai-thumb
  • mujhemaloomtha-thumb
  • udasiyonkayehmausam-thumb
  • kyaghazabhai-thumb
  • zindagihai-thumb
facebook like
twitter
  • ahmad faraz top 10 poetry
  • faiz ahmed faiz top 10 poetry
  • noshi gilani top 10 poetry
  • parveen shakir top 10 poetry

Urdu Wasi Shah

Ranjish.com has lots of Urdu Wasi Shah Poetry. Feel free to add your own Wasi Shah Shayari here.


-



Wasi Shah

Wasi Shah
1976-

Wasi Shah is young pakistani romantic poet. Poeple search Wasi Shah Poetry or Wasi Shah Shayari to read Wasi Shah Shayari. Wasi Shah Poetry is truely loved by urdu readers all over the world. Wasi Shah has wrote so many poetry books, some of them are Mere Ho Ke Raho and Mujhe Sandal Kardo.



To main bhi khush hoon..

Wasi Shah

To main bhi khush hon koi us se ja ke keh dena,
Agar woh khush hai mujhe be-qaraar karte huye,

Tumhe khabar hi nahin hai ke koi toot geya,
Mohababton ko bohat paayedaar karte huye..

1 vote, 5.00 avg. rating



Sochta hoon ke usay neend bhi ati hogi..

Wasi Shah

Sochta hoon ke usay neend bhi ati hogi,
Ya meri tarah faqat ashq bahaati hogi,

Woh meri shakal mera naam bhulaane wali,
Apni tasveer se kya aankh milaati hogi,

Iss zameen pr bhi hai sailaab mere ashkon se,
Mere maatam ki sadaa arshh hilaati hogi,

Shaam hote hi woh chokhat pr jalaa kar shamen,
Apni palkon pe kayi khawb sulaati hogi,

Us ne silvaa bhi liye hon ge siyaah rang ke libaas,
Ab moharram ki tarah eid manaati hogi,

Mere tareek zamaano se nikalne wali,
Roshni tujh ko meri yaad dilaati hogi,

Dil ki masoom ragen khud hi sulagti hon gi,
Jun hi tasveer ka kona woh jalati hogi,

Roop de kar mujhe us me kisi shehzaade ka,
Apne bachon ko kahani woh sunaati hogi..

Listen this Poetry »

26 votes, 4.31 avg. rating



Kal hamesha ki tarah uss ne kaha yeh phone pr..

Wasi Shah

Kal hamesha ki tarah
uss ne kaha yeh phone pr
main bohat masroof hoon
mujh ko bohat se kaam hain

Is liye tum aao milne
main to aa nahin sakta
ab har riwaayet torr kar
iss baar maine keh diya

Tum jo ho masroof to
main bhi bohat masroof hoon
tum jo ho mashoor to
main bhi bohat maroof hoon

Tum agar ghamgeen ho
main bhi bohat ranjuur hoon
tum thakkan se chuur ho
main bhi thakkan se chuur hoon

Jaane mann
hai waqt mera bhi bohat hi qeemti
kuch purane doston ne milne ana hai mujhe
main bhi ab faragh nahin
mujh ko bhi laakhon kaam hain

Warna kehne ko to sab lamhe tumhare naam hain
meri ankhen bhi bohat bojhal hain
sona hai mujhe
rat.jagon ke baad neendon main khona hai mujhe

Main lahuu apni anaaon ka
bahaa sakta nahin
tum nahin aati
to milne main bhi aa sakta nahin

Us ko yeh keh kar Wasi
maine receiver rakh diya
aur phir apni anaaa ke paaon pe
sar rakh diya..

Listen this Poetry »

31 votes, 4.58 avg. rating



Tere gale main jo baahon ko daal rakhte hain..

Wasi Shah

Tere gale main jo bahon ko daal rakhte hain,
Tujhe manane ka kesa kamaal rakhte hain,

Tujhe khabar hai tujhe sochne ki khatir hum,
Bohat se kaam muqadar par taal rakhte hain,

Koi bhi faisla hum soch kar nahin karte,
Tumhare naam ka sikka uchhaal rakhte hain,

Tumhare baad ye aadat si ho gayi apni,
Bikharte sookhtey patey sambhaal rakhte hain,

Khushi si milti hai khud ko aziyaten de kar,
So jaan boojh kar dil ko nidhaal rakhte hain,

Kabhi kabhi woh hans kar dekh lete hain,
Kabhi kabhi mera be-hadh khayal rakhte hain,

Tumhare hijar mein ye haal ho gaya apna,
Kisi ka khat ho ussey bhi sambhaal rakhte hain,

Khushi mile to tere baad khushi nahin hoti,
Hum apni aankh mein har dam malaal rakhte hain,

Zamane bhar se bacha kar wo apne aanchal mein,
Mere wajood ke tukrre sambhal rakhte hain,

Kuch is liye to behaal ho gaye hum log,
Tumhari yaad ka be-hadh khayaal rakhte hain..

Listen this Poetry »

32 votes, 4.59 avg. rating



Aik din aye ga woh shakss hamara hoga..

Wasi Shah

Uss ki ankhon main mohabbat ka sitara hoga,
Aik din aye ga woh shakss hamara hoga,

Tum jahan mere liye seepiyan chunti hogi,
Woh kisi aur hi duniya ka kinaara hoga,

Zindagi! ab mera naam na shamil karna,
Gar yeh tehh hai yehi khail dobaraa hoga,

Jis ke hone se meri saans chala karti hai,
Kis tarah us ke bina mera guzaara hoga,

Yeh achaanak jo ujaala sa hua jata hai,
Dil ne chupke se tera naam pukara hoga,

Ishq karna hai to din raat usey sochna hai,
Aur kuch zehen main aaya to hasaara hoga,

Yeh jo paani main chala aaya sunehri sa gharoor,
Uss ne daryaa main kahin paaon utaara hoga,

Kon rota hai yahan hijar ke sanaatton main,
Mere jesa hi koi hijar ka maara hoga,

Mujh ko maloom hai joon hi main qadam rakhoon ga,
Zindagi tera koi aur kinaara hoga,

Jo meri rooh main badal se garajte hain Wasi,
Uss ne seeney main koi dard utaara hoga,

Kaam mushkil hai magar jeet hi loon ga us ko,
Mere maula ka Wasi jab ishaara hoga..

Listen this Poetry »

63 votes, 4.35 avg. rating



Befaiz logon se nibhaa kar kuch nahin milta..

Wasi Shah

Kisi ki aankh se sapne churaa kar kuch nahin milta,
Munddairon se chiraghon ko bhuja kar kuch nahin milta,

Sakoon un ko nahin milta kabhi pardes ja kar bhi,
Jinhe apne watan se dil laga kar kuch nahin milta,

Usey kehna ke palkon pe na taanke khawb ki jhaalar,
Samandar ke kinaare ghar bana kar kuch nahin milta,

Na jaane kon se jazbe ki yoon taskeen karta hoon,
Bazaahar to tumhare khat jalaa kar kuch nahin milta,

Usey main pyaar karta hoon to mujh ko chain ata hai,
Woh kehta hai usey mujh ko sataa kar kuch nahin milta,

Mujhe aksar sitaaron se yehi awaaz ati hai,
Kisi ke hijar main neendain ganwaa kar kuch nahin milta,

Jigar ho jaaye ga chhalni, yeh aankhain khoon royen gi,
Wasi, befaiz logon se nibhaa kar kuch nahin milta..

Listen this Poetry »

55 votes, 4.40 avg. rating



Na tumhey hosh rahey or na mujhey hosh rahey..

Wasi Shah

Na tumhey hosh rahey or na mujhey hosh rahey,
Is qadar toot kay chaho mujhey pagal kar do..

132 votes, 4.20 avg. rating



Is qadar toot kay tum par humey pyar ata hai..

Wasi Shah

Is qadar toot kay tum par humey pyar ata hai,
Apni bahon me bharien mar hi dalien tum ko..

91 votes, 4.43 avg. rating



Dheeray Se Sarakti Hai Raat Us Ke Aanchal Ki Tarah

Wasi Shah

Dheeray Se Sarakti Hai Raat Us Ke Aanchal Ki Tarah
Uska Chehra Nazar Aata Hai Jheel Main Kanwal Ki Tarah

Baad Muddat Usko Daikha To Jism-o-Jaan Ko Yun Laga
Pyasi Zameen Pe Jaisay Koi Baras Gaya Baadal Ki Tarah

Roz Kehta Hai Seenay Pe Sar Rakh K Raat Bhar Jaga’uon Ga,
Sar-e-Sham Hee Mujhe Aaj Phir Sula Gaya Wo Kal Ki Tarah,

Mere Hee Dil Ka Makee.n Nikla Wo Shakhs “Wasi”
Aur Mein Shehar Bhar Me Dhundta Raha Usy Kisi Pagal Ki Tarah

67 votes, 4.04 avg. rating



Tum mere dard bhi, gham bhi, alaam bhi tum..

Wasi Shah

Tum mere dard bhi, gham bhi, alaam bhi tum,
Tumn mera chain ho jana, mera araam bhi tum,

Kamyaabi ko nahin hum ne tumhe chahaa hai ,
Hum tumhare hain bhaley ho gaye nakaam bhi tum,

Main maseeha hoon agar, mera wazeefa tum ho,
Main hoon mujrim meri jaan mera ilzaam bhi tum,

Kya zaroorat hai mujhe dard ke me’khaanon ki,
Tumhi nasha, tumhi paimaana, mera jaam bhi tum,

Mukhtlif se bahaanon se mujhe sochtey ho,
Aik din khul ke pukaro ge mera naam bhi tum,

Yeh seyaasat bhi ajab khail hai bholey panchi,
Yahan seyaad bhi tum ho, to teh’daam bhi tum,

Jis se roshan mera aangan hai tumhi ho woh chiraag,
Sach to yeh hai ke tumhi ghar ho, dar-o-baam bhi tum,

Raat din tum ko faqat tum ko mujhe sochna hai,
Meri furssat bhi tumhi aur mera har kaam bhi tum..

53 votes, 4.19 avg. rating


Advertisements

We update our poetry database on daily basis so keep coming back for more Wasi Shah.



love shayari romantic shayari sad shayari nazam shayari

RSS Shayari

  • Maine dekha hai keyi baar palatt ke.. April 29, 2016
    Maine dekha hai keyi baar palatt ke, Tum kahin bhi to dikhaayi nahin dete..… The post Maine dekha hai keyi baar palatt ke.. appeared first on Ranjish.com.
  • Mujhe maloom tha yeh sab.. April 28, 2016
    Mujhe maloom tha yeh sab, mera wajdaan kehta tha, Ik haadsa darpaish hona hai, mujhe darwaish hona hai..… The post Mujhe maloom tha yeh sab.. appeared first on Ranjish.com.
  • Udasiyon ka yeh mausam badal bhi sakta tha.. April 27, 2016
    Udaasiyon ka yeh mausam badal bhi sakta tha, Woh chahta to mere sath chal bhi sakta tha, Woh shakss tu ne jis ko chorrne ki jaldi ki, Tere mizaaj ke saanchay main dhhal bhi sakta tha, Woh jald-baaz khafaa ho kar chal diya warna, Tanaazaat ka koi hall nikal bhi sakta tha, Anaaa ne hath […]
  • To main bhi khush hoon.. April 26, 2016
    To main bhi khush hon koi us se ja ke keh dena, Agar woh khush hai mujhe be-qaraar karte huye, Tumhe khabar hi nahin hai ke koi toot geya, Mohababton ko bohat paayedaar karte huye..… The post To main bhi khush hoon.. appeared first on Ranjish.com.
  • Toot jaye na bharam hont hilaaon kese.. April 25, 2016
    Toot jaye na bharam hont hilaaon kese, Haal jesa bhi hai logon ko sunaaon kese, Khushk ankhon se bhi ashkon ki mehak ati hai, Main tere gham ko zamane se chupaaon kese, Teri suurat hi meri ankhon ka sarmaya hai, Tere chehre se nigaahon ko hattaaon kese, Tu hi batlaa meri yaadon ko bhulaane wale, […]
  • Us ke nazdeek gham-e-tark-e-wafa kuch bhi nahin.. April 24, 2016
    Us ke nazdeek gham-e-tark-e-wafa kuch bhi nahin, Mutmayin aesa hai woh jese ke hua kuch bhi nahin, Ab to hathon se lakeeren bhi mitti jaati hain, Us ko kho kar to mere pas raha kuch bhi nahin, Kal bicharrna hai to phir ehd-e-wafaa soch ke baandh, Abhi aghaaz-e-mohabbat hai geya kuch bhi nahin, Main to […]
  • Kahin door chal mere hamnawaa.. April 23, 2016
    Kisi aur bassti main dil laga, kahin door chal mere hamnawaa, Hai sheher mukamal faraib ka, kahin door chal mere hamnawaa, Har shakss matlab parast hai, humen is nagar main shikast hai, Na tera hai koi na hai mera, kahin door chal mere hamnawaa, Ab nafsa nafsi ka daur hai, be-reham logon ka zor hai, […]
  • Kya ghazab hai ke hijr ke din bhi.. April 22, 2016
    Kya ghazab hai ke hijr ke din bhi, Zindagi main shumaar hote hain.. `… The post Kya ghazab hai ke hijr ke din bhi.. appeared first on Ranjish.com.
  • Itni muddat baad mile ho.. April 21, 2016
    Itni muddat baad mile ho, Kin sochon main gum rehte ho, Itne haayef kyun rehte ho, Har aahatt pe ddar jate ho, Taiz hawa ne mujh se pucha, Rait pe kya likhte rehte ho, Kash koi hum se bhi pooche, Raat gaye tak kyun jaage ho, Main daryaa se bhi dartaa hoon, Tum daryaa se […]
  • Duniya ki taraf laut ke aanay ke nahin hum.. April 18, 2016
    Duniya ki taraf laut ke aanay ke nahin hum, Sach baat yeh hai tere zamaane ke nahin hum, Awaaz mizaaji bhi tabiyat nahin apni, Wese to kisi thikaane ke nahin hum, Ik dard ki daulat hai jise banttay phiray, Maalik bhi kisi aur khazaane ke nahin hum, Tu ne to abhi khail ka aghaaz kiya, […]