Wasi Shah Poetry

Latest Audio Poetry

Latest Designed Poetry

  • jabtumthey
  • aaneykiitlaahmainguzri-thumbs
  • jheelachi-thumb
  • isseidprbhinamilsake-thumb
  • usssemilnato-thumb
facebook like
twitter

Urdu Wasi Shah

Ranjish.com has lots of Urdu Wasi Shah Poetry. Feel free to add your own Wasi Shah Shayari here.


-



Wasi Shah

Wasi Shah
1976-

Wasi Shah is young pakistani romantic poet. Poeple search Wasi Shah Poetry or Wasi Shah Shayari to read Wasi Shah Shayari. Wasi Shah Poetry is truely loved by urdu readers all over the world. Wasi Shah has wrote so many poetry books, some of them are Mere Ho Ke Raho and Mujhe Sandal Kardo.



Mujhe us se mohabbat hai, Magar kese kahoon us se..

Wasi Shah

Mujhe us se mohabbat hai,
Magar kese kahoon us se,
Woh meri baat ko sanjeedgi se
kam hi leti hai,
Har ik pal muskurana
Khilkhilaana,
Doston per fikray qassna,
Nit’naye masoom mansoobay banana,
Shokh chanchal har gharri taaza shararat
main bohat masroof rehti hai,

Magar ik aur hadsha bhi hai mujh ko,
Main izhaar se
Iqraar se
khud rokay rakhta hai,
Ke mehke khawab bun’ne, khelne ka waqt hai uska,
Meri chahat
Kahin masoomiyat na cheen le uski,

Sadaa se hum ne dekha hai,
Mohabbat aadmi ko is’qadar sanjeeda karti hai,
Ke phir mehfil, tamashey, khel us ko bojh lagte hain,
Main darta hoon
Kahin yeh bhol’pan us ka,
Yeh har pal cheh’chihaana muskurana sab,
Meri izhaar se sanjeedgi mein na badal jaye,

Kahin us shokhh ko bhi rog koi,
Chup chaap na lag jaye,

Mujhe us se mohabbat hai,
Magar kese kahoon us se….

11 votes, 4.55 avg. rating



Mere lehje mein jo aansu se utar aye hain

Wasi Shah

Mere lehje mein jo aansu se utar aye hain,
Kitne barson ke sitam aankh main dar aye hain,

Tum gaye they to yeh dehleez na dekhi thi kabhi,
Aaj tum aaye to hum laut ke ghar aaye hain,

Jaane tanbeeha ki dhamki ke basharat hai koi,
Mere aangan mein jo tootay huye par aaye hain,

Ab hamain khauf hai jeeney ka na mar mitne ka,
Teri chokhat se jo aye hain to mar aye hain,

(tanbeeha;warning)(bahsarat;hint)

5 votes, 4.20 avg. rating



Kuch nahin paaye ga woh mujh se mohabbat kar ke

Wasi Shah

Zar ki namoos ki rasmon se baghaawat kar ke,
Kuch nahin paaye ga woh mujh se mohabbat kar ke,

Baiy’n karti huyi aankhain, yeh pareshan zulfain,
Aur kya chahte ho us se mohabbat kar ke,

Phool to phool hain zakhmon ke bhi nakhre hain yahan,
Hum ne dekha hai bohat in ki ibadat kar ke,

Yeh kisi jabr pe honton ko siyaa karte hain,
Zulam karte hain woh zaalim ki himayat kar ke,

Dil ke sehraao’n ki veeraaniya’n jati hi nahin,
Teri yaadon ne bhi dekha yahan hijrat kar ke,

Woh mere hijr ko bhi khail samajhta hai Wasi,
Laut jaye ga kisi roz sharaarat kar ke..

5 votes, 1.60 avg. rating



Choomna kya usey aankhon se lagana kesa

Wasi Shah

Choomna kya usey aankhon se lagana kesa,
Phool jo coat se gir jaye uthaana kesa,

Apne honton ki haraarat se jagaao mujh ko,
Yoon sadaaon se dam’e’subaah jagana kesa..

4 votes, 3.00 avg. rating



Teri Aankhon Ke Haseen Jaal Main Ajaon Ga Main

Wasi Shah

Teri aankhon ke haseen jaal mein aajaon ga main,
Mujh ko lagta hai teri chaal main aajaon ga main,

Zindagi baad tere hona thi mushkil lekin,
Yeh na socha ke is haal mein ajaon ga main,

Dekh kar us ko mujhe yad kare gi dunya,
Aik din us ke had’o’haal mein aajaon ga main,

Kitne mausam they jo de kar mujhe taanay guzre,
Tum to kehte they ke ik saal mein ajaon ga main,

Sur mein ajaye ga jeevan tere aa jane se,
Tere aaney se kisi taal mein aajaon ga main,

4 votes, 3.00 avg. rating



Mein Tere Lab Pe Hun Daireena Shikayat Ki Tarah

Wasi Shah

Mein Tere Lab Pe Hun Daireena Shikayat Ki Tarah
Yaad Rakha Hai TU Ne Mujh Ko Adaawat Ki Tarah

Chaand Niklay Tou Mera Jism Mehak Uthta Hai
Rooh Mein Utri Howi Taaza Mohabbat Ki Tarah

Teri Khatir Tou Koi Jaan Bhi Le Sakta Hun
Mein Ne Chaaha Hai Tujhe Gaon Ki Izzat Ki Tarah

Khul Rahi Hai Mere Daireena Masaail Ki Giraah
Mere Mahoul Mein Utra Hai Wo Barkat Ki Tarah

Ab Tere Hijr Mein Kuch Lutf Nahi Hai Baaqi
Ab Tujhe Yaad Bhi Kartay Hain Tou Aadat Ki Tarah

Tum Meri Pehli Mohabbat Tou Nahi Ho Laikin
Mein Ne Chaaha Hai Tumhain Pehli Mohabbat Ki Tarah

Wo Jo Aati Hai Tou Phir Lout Ke Jaati Hee Nahi
Tum Lipat Jao Kubhi Aisi Museebat Ki Tarah

Mere Dil Mein Koi Maasoom Sa Bacha Hai “Wasi”
Jo Tujhe Sochta Rehta Hai Shararat Ki Tarah

3 votes, 3.67 avg. rating



Raat bhar rootha raha..

Wasi Shah

Baar’haa aese laga,
Jese tera hath,
Mere baalon ko chuaa ho,
Tu ne mujhse kaha ho lekin,
Raat bhar rootha raha,
Tu ne manaya hi nahin…

2 votes, 3.00 avg. rating



Tanzz Karte Hain Jo Log Un Ko Dikhane Ke Liye

Wasi Shah

Tanzz karte hain jo log un ko dikhane ke liye,
Laut aao na mere yaar zamane ke liye,

Is liye bhi teri tasveer jala di mene,
Aur kuch tha hi nahin dil ko jalane ke liye,

Tere baayess hi to saktay ka hai aalam taari,
Khud ko naraaz kiya khud ko mananey ke liye,

Aaj phir shaam guzari hai usi jungle mein,
Un darakhton se tera naam mitaney ke liye,

3 votes, 3.67 avg. rating



Hijar ka naag to pathar ghayal kar deta hai

Wasi Shah

Hijar ka naag to pathar ghayal kar deta hai,
Sonay jese shakhss ko peetal kar deta hai,

Mere ishq mein shayed koi kami huyi ho,
Tera hussn to ab bhi paagal kar deta hai,

Aesi lazzat kahin nahin milti, shayed woh,
Apna pyaar bhi chaaye mein hall kar deta hai,

Dil mera veeran hua to hasrat kesi,
Hijar ka zeher to daryaa ko thall kar deta hai,

Mujh ziddi ko rab bhi raazi na kar paye,
Lekin teri aankh ka kaajal kar deta hai,

Tere lamss ka jadu bhi kesa jadu hai,
Jiss ko chuu le us ko sandal kar deta hai,

Tera chahra har chehre per chaa jata hai,
Yeh manzar har manzar aujhal kar deta hai,

Aankh ke registaa’n ko teri yaad ka badal,
Chuu jaye to pal mein jal’thall kar deta hai..

2 votes, 5.00 avg. rating



Kab talak tujh pe inhisaar karain

Wasi Shah

Kab talak tujh pe inhisaar karain,
Kyon na ab doosron se pyar karoon,

Tu kabhi waqt per nahin pohancha,
Kis tarah tera aitbaar karain..

4 votes, 4.50 avg. rating



Charha Howa Tha Jo Darya Utar Gaya Kab Ka

Wasi Shah

Charha Howa Tha Jo Darya Utar Gaya Kab Ka
Tumhara Chaahnay Waala Tou Mar Gaya Kab Ka

Na Meri Rooh Meri Hai Na Mera Jism Mera
Tera Wajood Tou Mujh Mein Utar Gaya Kab Ka

Wo Ik Shakhs Jo Sab Ko Sambhaalay Rakhta Tha
Tumhain Khabar Hee Nahi Hai Bikhar Gaya Kab Ka

TU Jis Ke Waadon Ko Dil Se Lagaye Baitha Hai
Wo Apni Baat Se Pyaaray Mukar Gaya Kab Ka

“Wasi” Mein Ishq Mein Ro Bhi Chuka Hun Mar Bhi Chuka Hun
Hudood-e-Jism Se Mein Tou Guzar Gaya Kab Ka

2 votes, 5.00 avg. rating



Ashkk girte rahe, dhol bajta raha..

Wasi Shah

Ashkk girte rahe, dhol bajta raha,
Log marte rahe, dhol bajta raha,

Ronqain lag gayi’n, roshni barh gayi,
Khawab jalte rahe, dhol bajta raha,

Kitne lachaar they, kitne be’bas they hum,
Hath milte rahe, dhol bajta raha,

Raqss they maseeha mere dam-be’dum,
Dil tarrapte rahe, dhol bajta raha..

5 votes, 4.20 avg. rating



Hum tere hijar mein andar se bikhar jate hain

Wasi Shah

Hum tere hijar mein andar se bikhar jate hain,
Zinda lagte hain magar asal mein mar jate hain,

Jab kabhi bolta hai hai hanss ke kisi aur se tu,
Kitne khanjar mere seeney mein utar jate hain,

Teri yaadon ki agar’batiyan jal uthte hi,
Hum tere dard ki khushbu’on se bhar jate hain,

Hum se awaara phira karte hain galiyon mein kahin,
Shaam hote hi Wasi log to ghar jaate hain..

3 votes, 4.67 avg. rating



Hum ne jo deep jalaye hain teri galiyon mein..

Wasi Shah

Hum ne jo deep jalaye hain teri galiyon mein,
Apne kuch khawb sajaye hain, teri galiyon mein,

Jaane yeh ishq hai ya koi karamat apni,
Chaand le ker chale aaye hain, teri galiyon mein,

Tazkraa ho teri galiyon ka to dar jata hai,
Dil ne woh zakhm uthaye hain, teri galiyon mein,

Is liye bhi teri galiyon se humain nafrat hai,
Hum ne armaan ganwaye hain, teri galiyon mein,

Kyon har ik cheez adhoori si lagti hai,
Jaane kya chorr aye hain, teri galiyon mein..

2 votes, 4.00 avg. rating



Hum Se Kya Poochte Ho Hijar Mein Kya Karte Hain

Wasi Shah

Hum se kya poochte ho hijar mein kya karte hain,
Tere laut aaney ki din raat dua karte hain,

Ab koi hont nahin in ko churaaney ate,
Meri aankhon mein agar ashk hua karte hain,

Teri tu jane, par aye jane-tamana hum to,
Saans ke sath tujhe yaad kiya karte hain,

Tu hi pehlu mein nahin warna december mein wahin,
Dhoop mein akhbaar parhaa karte hain,

Kabhi yaadon mein tujhe baa’hon mein bhar lete hain,
Kabhi khawbon mein tujhe choom liya karte hain,

Teri tasveer laga lete hain hum seeney se,
Phir tere khat se teri baat kiya karte hain,

Gar tujhe chorrne ki soch bhi aaye dil mein,
Hum to khud ko bhi wahin chorr diya karte hain..

5 votes, 4.80 avg. rating


Advertisements

We update our poetry database on daily basis so keep coming back for more Wasi Shah.



love shayari romantic shayari sad shayari nazam shayari

RSS Shayari

  • Ab jiss tarff se chaahe guzar jaye kaarvaan.. July 28, 2015
    Ab jiss tarff se chaahe guzar jaye kaarvaan, Veeraaniyan to meri dil main utar gayin..… The post Ab jiss tarff se chaahe guzar jaye kaarvaan.. appeared first on Ranjish.com.
  • Jiss ke naseeb main hon zamane ki thokrain.. July 27, 2015
    Jiss ke naseeb main hon zamane ki thokrain, Us badnaseeb se na sahaaron ki baat kar..… The post Jiss ke naseeb main hon zamane ki thokrain.. appeared first on Ranjish.com.
  • Jab tum they meri shaam main tha subah ka aalam.. July 26, 2015
    Jab tum they meri shaam main tha subah ka aalam, Tum jab se gaye shaam jhalakti hai sehar main..… The post Jab tum they meri shaam main tha subah ka aalam.. appeared first on Ranjish.com.
  • Ab jo dekhen to koi aesi barri baat na thi.. July 25, 2015
    Ab jo dekhen to koi aesi barri baat na thi, Yeh shab-o-roz, maah-o-saal ka pur-paich safar, Qadrey asaan bhi ho sakta tha, Yeh jo har morr pe kuch uljhe huye raste hain, In main tarteeb ka imkaan bhi ho sakta tha, Hum zara dheyaan se chalte to woh ghar, Jis ke baam-o-dar-o-deewar pe veerani hai, […]
  • Judaayiyan to yeh maana barri qayamat hain.. July 24, 2015
    Judaayiyan to yeh maana barri qayamat hain. Rafaaqton main dukh kis qadar hain kya kehne..… The post Judaayiyan to yeh maana barri qayamat hain.. appeared first on Ranjish.com.
  • Aaney ki itlaah main guzri tamaam raat.. July 23, 2015
    Aaney ki itlaah main guzri tamaam raat, Aayi jo subah khawhish-e-deedaar bhi gayi..… The post Aaney ki itlaah main guzri tamaam raat.. appeared first on Ranjish.com.
  • Jheel achi, kanwal acha ke jaam acha hai.. July 22, 2015
    Jheel achi, kanwal acha ke jaam acha hai, Teri aankhon ke liye kon sa naam acha hai..… The post Jheel achi, kanwal acha ke jaam acha hai.. appeared first on Ranjish.com.
  • Aur kuch nahin rehta, Teri yaad rehti hai… July 21, 2015
    Zehen ke khayalon main, Rooh ke ujaalon main, Zindagi ki jheelon main, Zaat ki faseelon main, Rat.jagon ke daaman main, Dil ke khushk sehraa main, Chashm-e-tar ke ke daryaa main, Dard ke jahaan main bhi, Ashk-e-be.zubaan main bhi, Aur kuch nahin rehta, Teri yaad rehti hai.. … The post Aur kuch nahin rehta, Teri yaad […]
  • Aayi hogi kissi ko hijr main maut.. July 20, 2015
    Aayi hogi kissi ko hijr main maut, Mujh ko tou neend bhi nahi aati..… The post Aayi hogi kissi ko hijr main maut.. appeared first on Ranjish.com.
  • Tujh ko paanay ki aarzu karna.. July 20, 2015
    Tujh ko paanay ki aarzu karna, Aandhiyon main diya jalaana tha..… The post Tujh ko paanay ki aarzu karna.. appeared first on Ranjish.com.