Ab B Bhigi Barish Mein Wo
Bin Chatri K Chalta Hoga

Mujh Se Bichrre Arsa Beeta
Ab Wo Kis Se Lrrta Hoga

Acha Tha Jo Sath Hi Rehte Bad Men Usne Socha Hoga

Apne Dil Ki Sari Baten Khud Se Khud Hi Kehta Hoga?

Mujhe neend se Q jaga dya mujhe khwab kaisa dikha dya
Koi noor hai, Koi hoor hai, Ye k sadgi ki MASAAL hai

Teri sans se meri aas hai, Tu jo pass hai tu sans hai
Mujhe zindagi ki to bheek de meri zindagi ka SAWAL hai

Meri hr nazar mein bsa hai tu, Mere hr Qalm pe likh ahi tu
Tujh se loon to Ghazal meri< Na likh sakoon to KHAYAL hai

Hum us ke ek ghar ko apna samajhte rahe
Lekin uska to her Maor per aashyana tha

Ye uska dosh nahi wo majboor tha shayed
Ke uski fitrat me hi dil dukhana tha

Mujh ko talab thi faqat uski chahat ki
Our uski to chahat hi sara zamana tha

Kuch din to mera aks raha aaine pe naqsh
phir youn huwa ke khud mera chehra badal gaya

koi bhi cheez apni jageh par nahin rahi
jaatay hi aik shakhs kay, kiya kiya badal gaya

ik sarkhushi ki moj nay kaisa kiya kamal
wo bay-niaaz saara ka saara badal gaya

uth kar chala gaya koi waqfay kay darmiaan
parda utha to saara tamasha badal gaya

hairat say saaray lafz usay dekhtay rahay
baaton main apni baat ko kaisay badal gaya

kehne ko ik sehan main deewar hi bani
ghar ki fiza makaan ka naqsha badal gaya

shayad wafa kay khel se uktaa gaya tha who
manzil kay paas aake jo rusta badal gaya

qayem kisi bhi haal pay dunya nahin rahi
taabeer kho gayee kabhi sapna badal gaya

andar kay mosamon ki khabar us ko ho gayee
us no-bahaar-e-naaz ka chehra badal gaya

aankhon mein jitna ashk thay jugnoo say ban gaye
woh muskuraya or meri dunya badal gaya

apni gali main apna hi ghar dhoondhtay hain log
Amjad~ ye kon sheher ka naqsha badal gaya

nahiN to aazma kar dekh lo, kaise badalta hai
tumhaare muskraane se dil-e-nashaad ka mausam

kahiN se uss haseeB aawaaz ki khushbu pukaare gi
to uss ke saath badle ga dil-e-barbaad ka mausam

qafas ke baam-o-dar meN roshani si aayi jaati hai
chaman meN aa geya shaayed lab-e-aazaad ka mausam

mere shahr-e-parishaaN maiN teri be chaand raatoN meN
buhat hi yaad karta hooN teri buniyaad ka mausam

na koi gham khizaaN ka hai na khawahish hai bahaaroN ki
hamaare saath hai amjad kissi ki yaad ka mausam

tujhi se mujh ko ulfat hai
tujhi se mujh ko chahat hai
apni dil ki muhabbat ko
tum mere naam hi karna

mai jab bedar hoti hu
tere deedar ko tarsu
mai jab karwat badalti hu
to tere pyar ko tarsu

meri yaadein bhi teri hai
meri baatein bhi teri hai
apne sapnau ko bhi humdum
tum mere naam hi karna

tum mere paas hote ho
to ek ehsaas hota hai
tum mere saath hote ho
wo pal kuch khaas hota hai

muhabbat me judai hai
judai me bhi chahat hai
mere bin apni tanhaii
tum mere naam hi karna

aa bhi jao k yaad aati hai
kab main tumhen roz bulata hoon

yun to aasan hai bhula dena
roz hi aapko bhulata hoon

aaj to yaad hi nahin aai aapki
main bhi kabhi jhoot bol jata hoon

kitni achhi hai ye gazal teri “ANZAR”
jo mile main usko sunata hoon.

Hoga mushkil maanaa tha, magar itnaa mushkil

Socha bhi naa thaa

Woh chaNchal si khilkhilahat

Woh tumhari maNd maNd si muskaan

Woh tumharay badan say aatay bahaar kay jhoNkay

Woh tumhaari saadgi maiN daanaai kay imkaan

Woh tumhaaraa meri baahoN maiN duniya ko bhool jaanaa

Woh behtay ashkoN maiN laraztay laboN ka muskuraanaa

Woh tumhaari pal pal ko shiddat say jeenay ki chaah

Woh tumhaari nazar maiN phool say komal khwaaboN ki raah

Woh tumhaari dabdabaai aaNkhoN maiN unkahayay sawaal

Woh tumhaaray ghanay dasht say gasuoN ka jamaal

Woh tumhaaray hoNthoN ka tilsmee khumaar

Woh tumhaaraa mujh par beloss aitbaar

Bahut yaad aataa hai yeh sub meri jaaN

Aur yaad aataa hai bahut tumhaaraa woh-

“SUNO NA”

———————————–
Meaning; Dannai- Intelligence, Imkaan-possibilty,Ghesu–Hair, Jamaal-beauty, Beloss-with total trust

dil se dil kii kahaaniyaa.N bhii sune
aankhon aankhon mein guftaguu bhii ho

jhiil sii gaharii sabz aa.Nkho.n me.n
Duub jaane kii aarazuu bhii ho

sirf tere badan kii shamaa jale
aur a.Ndheraa-saa chaar_suu bhii ho