jo mere paas say guzra bohot hai !!

mujhay us shaks ki parwa bohot hai
jo samjho to yehi rishta bohot hai

wohi aik baat jo sab se chupai
usi ik baat ka charcha bohot hai

meri khuwahish kabhi puri na hogi
mujhay is baat ka sadma bohot hai

kisi ko bhoolna mumkin nahi hai
wagarna hum ne to chaha bohot hai

kahan tak aur mera saath daiga wo
pehlay hi yahan ruswa bohot hai

tere jaisa koi milta nahi hai
tere jaisa magar dhoonda bohot hai

chalo ab mout ka samaan kar lain
keh jeena to yahan mehenga bohot hai

wo mere paas kab thehra hai akhir
jo mere paas say guzra bohot hai !!