Tum Mujhey Yaad Aaya Kertey Ho

Kis Qadar Zulm Dhaaya Kertey Ho
Ye Jo Tum Bhool Jaya Kertey Ho

Kis Ka Haath Rakh Ker Ab Seeney Per
Dil Ki Dharkan Sunaya Kertey Ho

Hum Jahan Chaaey Peene Jaatey Thay
Kya Wahan Abb Bhi Aaya Kertey Ho

Kon Hai Ke Abb Jis Ke Chehrey Per
Apni Palkon Ka Saaya Kertey Ho

Kyun Mairey Dil Mein Rakh Nahin Detey
Kis Liye Gham Uthaya Kertey Ho

Phone Per Gheet Jo Sunatey Thay
Ab Woh Kis Ko Sunaya Kertey Ho

Aakhri Khat Mein Uss Ne Likha Tha
Tum Mujhey Yaad Aaya Kertey Ho