Ab Ke Rut Badli Tou Khushbu Ka Safar Dekhay Ga Kon
Ab Ke Rut Badli Tou ..
Ab Ke Rut Badli Tou Khushbu Ka Safar Dekhay Ga Kon ?
Zakham Phoolon Ki Tarah Mehkain Gain Per Dekhay Ga Kon ?
Dekhna Sab Raqs-e-Bismil Mein Magan Ho Jayein Ge
Jis Taraf Se Teer Aaye Ga Udher Dekhay Ga Kon ?
Zakham Jitnay Bhi Thay Sab Mansoob Qaatil Se Howay
Teray Haathon Ke Nishaa.n Ay Chaarahgar Dekhay Ga Kon ?
Wo Hawas Ho Ya Wafa Ho Baat Mehroomi Ki Hai
Loog Tou Phal Phool Dekhain Ge Shajar Dekhay Ga Kon ?
Har Koi Apni Hawaa Mein Mast Phirta Hai “Faraz”
Sheher-e-Na-Pursaan Mein Teri Chashm-e-Tar Dekhay Ga Kon ?
Ahmad Faraz
December 1st, 2012
babalunar
December 3rd, 2012 at 6:23 am
amed faraz mera faraz favourite shayar h me faraz ji ki shayari bari dilchaspi se padta hun khas kar jo ishq ke bare me sher hote hain un ki to bat hi aur h