Hai Haqeeqat, Gumaan Thori Hai

Hai Haqeeqat, Gumaan..

Hai Haqeeqat, Gumaan Thori Hai
Ye Siyaasi Bayaan Thori Hai

Dar Sa Lagta Hai Kiun Nateejay Se
Ishq Hai Imtehaan Thori Hai

Chhorr Kar Chal Dya Hamain Yun Hee
Wo Koi Badgumaan Thori Hai

Teer Ki Ja Gulaab Kiun Na Milain
Zindagi Hai Kamaan Thori Hai

Koi Shikwah Karain Tou Kaisay Karain
Apne Mun Mein Zabaan Thori Hai

Ham Ko Takta Hai Jis Haqaarat Se
TU Koi Aasmaan Thori Hai

Hum Se Milnay Ko Chal Ke Aaye Magar
Is Qadar Meherbaan Thori Hai

Koi Basnay Laga Hai Is Mein “ Batool”
Dil Hai, Khaali Makaan Thori Hai


send poetry

Fakhira Batool
October 17th, 2012

Comment here

Your Comment: