Lakh doori ho magar ehad nibhate rehna..

Lakh doori ho magar ..

Lakh doori ho magar ehad nibhate rehna,
Jab bhi barish ho mera saug manate rehna,

Tum gaye ho to sar-e-sham yeh adat thehri,
Bas kinare pe kharre hath hilate rehna,

Jane is dil ko yeh adab kahan se aye,
Us ki rahon main nigahon ko bichate rehna,

Aik muddat se yeh mamool hua hai ab to,
Ap hi roothna aur ap manate rehna,

Tum ko maloom hai farhat ke yeh pagalpan hai,
Door jate huye logon ko bulate rehna..


send poetry

Farhat Abbas Shah, Video Shayari
December 16th, 2017

Comment here

Your Comment:

35519