Saanson Ki Hararat Se Pighal Jaanay Ka Mausam

Saanson Ki Hararat S..

Saanson Ki Hararat Se Pighal Jaanay Ka Mausam
Aaya Hai Teri Aanch Mein Jal Jaanay Ka Mausam

Ham Ko Nahi Maaloom Tha Ishq Ka Aaghaaz
Yaadon Mein Kaheen Door Nikal Jaanay Ka Mausam

Lagta Hai Ke Chehre Pe Tere Theher Gaya Hai
Yak Lakht Kayi Rang Badal Jaanay Ka Mausam

Ay Sheher Tasalli Tere Mashkoor Hain Ham
Aaya Hee Nahi Dil Ke Sambhal Jaanay Ka Mausam

Ye Sheher-e-Tamanna Bhi Anokha Hai Ke Is Per
Barsaat Mein Bhee Rehta Hai Thal Jaanay Ka Mausam

Chehre Pe Agarche Hai Mere Subaah Ka Ujaala
Aankhon Mein Magar Shaam Ke Dhal Jaanay Ka Mausam


send poetry

Farhat Abbas Shah
September 13th, 2012

Comment here

Your Comment: