Koi to phool khilaye dua ke lehje main..

Koi to phool khilaye dua ke lehje main,
Ajab tarah ki ghuttan hai hava ke lehje main,

Yeh waqt kis ki rauunat pe khaak daal geya,
Yeh kaun bol raha tha khuda ke lehje main,

Na-jane khalq-e-khuda kaun se azaab main hai,
Hawayen cheekh parri ilteja ke lehje main,

Khula fareb-e-mohabbat dikhayi deta hai,
Ajab kamal hai us bewafa ke lehje main,

Yehi hai maslehat-e-jabr-e-ehtiyat to phir,
Hum apna haal kahen ge chupa ke lehje main..