Abhi ik shor sa utha hai kahin..

Abhi ik shor sa utha..

Abhi ik shor sa utha hai kahin,
Koi khamosh ho gaya hai kahin,

Hai kuch aesa ke jaise yeh sab kuch,
Is se pehle bhi ho chuka hai kahin,

Tujh ko kya ho gaya ke cheezon ko,
Kahin rakhta hai dhoondta hai kahin,

Jo yahan se kahin na jaata tha,
Woh yahan se chala gaya hai kahin,

Aaj shamshaan ki si buu hai yahan,
Kya koi jism jal raha hai kahin,

Hum kisi ke nahin jahan ke siwa,
Aesi woh khaass baat kahan hai kahin,

Tu mujhe dhoond main tujhe dhoondhon,
Koi hum main se reh gaya hai kahin,

Kitni wehshat hai darmeyan-e-hujoom,
Jis ko dekho gaya hua hai kahin,

Main to ab sheher main kahin bhi nahin,
Kya mera naam bhi likha hai kahin,

Isi kamre main koi ho ke vidaa,
Isi kamre main chup gaya hai kahin,

Mil ke har shakhs se hua mehsus,
Mujh se yeh shakhs mil chuka hai kahin..


send poetry

Jon Elia, Video Shayari
July 7th, 2018

Comment here

Your Comment:

35647