Koi halat nahin, yeh halat hai..
Koi halat nahin, yeh..
Koi halat nahin, yeh halat hai,
Yeh to ashob-naak suurat hai,
Anjumann main yeh meri khamoshi,
Burd-baari nahin hai, wehshat hai,
Tujh se yeh gaah-gaah ka shikwa,
Jab talak hai bassaa ghaneemat hai,
Garm-joshi aur is qadar ke kya baat,
Kya tumhen mujh se kuch shikayet hai,
Tu bhi ae shakss kya kare akhir,
Mujh ko sar phorrne ki aadat hai,
Ab nikal aao apne andar se,
Ghar main samaan ki zaroorat hai,
Hum ne jana to hum ne yeh jana,
Jo nahin hai woh khuubsurat hai,
Khawhishen dil ka sath chorr gayin,
Yeh aziyat bari aziyat hai,
Log masroof jante hain mujhe,
Yaan mera gham hi meri fursat hai,
Aaj ka din bhi aish se guzra,
Sar se paa tak badan salamat hai..
Ghazal Shayari, Jon Elia, Video Shayari
December 27th, 2016
Gulzar DiL
January 5th, 2017 at 10:28 pm
Jane Q Dil Mein Utar Jatay Hain Wo LoG,
Jin Se Qismat K Sitaray Hi Nhi Miltay,
Gulzar DiL
January 5th, 2017 at 10:32 pm
Tum Jan Ho Meri Ye Tum Janti Ho Lekin,
Ye Jan Kar Jan’na Mujhe Acha Nhi Lagta,