Yeh peham talkh-kaami si rahi kya..

Yeh peham talkh-kaam..

Yeh peham talkh-kaami si rahi kya,
Mohabbat zeher kha kar ayi thi kya,

Mujhe ab tum se ddar lagne laga hai,
Tumhe mujh se mohabbat ho gayi kya,

Shikast-e-aitmad-e-zaat ke waqt,
Qayamat aa rahi thi, aa gayi kya ?

Mujhe shikwa nahin bas puchna hai,
Yeh tum hansti ho, apni hi hansi kya,

Humen shikwa nahin aik dusre se,
Manana chahiye is par khushi kya ?

Parre hain aik goshay main gumaan ke,
Bhala hum kya, hamari zindagi kya,

Main rukhsat ho raha hoon par tumhari,
Udaasi ho gayi hai multavi kya ?

Main ab har shaks se uktaa chuka hoon,
Faqat kuch dost hain, aur dost bhi kya,

Abhi hone ki baaten hain sau kar lo,
Abhi to kuch nahin hona, abhi kya ,

Yeh rabt-e-be-shikayat aur yeh main,
Jo shay seenay main thi, bujh gayi kya..


send poetry

Jon Elia, Video Shayari
November 30th, 2017

Comment here

Your Comment:

35498