Bichrra kuch iss adaa se ke rut hi badal gayi..
Bichrra kuch iss ada..
Rukhsat hua to meri baat maan kar geya,
Jo us ke paas tha woh mujhe daan kar geya,
Bichrra kuch iss adaa se ke rut hi badal gayi,
Ik shakss saare shehr ko veeraan kar geya,
Dilchasp waqiya hai ke kal ik azeez dost,
Apne mufaad pr mujhe qurbaan kar geya,
Kitni sudhar gayi hai judaayi main zindagi,
Haan woh jafaa se mujh pe to ehsaan kar geya,
Khalid main baat baat pe kehta tha jis ko jaan,
Woh shakss aakhrish mujhe be-jaan kar geya..
Khalid Sharif
December 22nd, 2015
Malik Saif
February 21st, 2017 at 8:17 pm
Great poetry