Aa ki meri jan ko qarar nahi hai..
Aa ki meri jan ko qa..
Aa ke meri jan ko qarar nahi hai
Taqat-e-bedaad-e-intezar nahi hai
Dete hain jannat hayat-e-dahar ke badle
Nasha ba andaza-e-Khumar nahi hai
Girya nikle hai teri bazm se mujh ko
Haye! k rone pe ikhtiyar nahi hai
Ham se abas hai gumaan-e-ranjish-e-khatir
Khak mein ushaaq ki ghubaar nahi hai
Dil se utha lutf-e-jalva haye maani
Ghair-e-gul aayina-e-bahar nahi hai
Qatl ka mere kiya hai ehad to baare
Waye! agar ehad ustawar nahi hai
Tu ne qasam mai-kashi ki khai hai Ghalib
Teri qasm ka kuch aitbaar nahi hai
Ghazal Shayari, Mirza Ghalib
July 20th, 2009