Itni muddat baad mile ho..

Itni muddat baad mil..

Itni muddat baad mile ho,
Kin sochon main gum rehte ho,

Itne haayef kyun rehte ho,
Har aahatt pe ddar jate ho,

Taiz hawa ne mujh se pucha,
Rait pe kya likhte rehte ho,

Kash koi hum se bhi pooche,
Raat gaye tak kyun jaage ho,

Main daryaa se bhi dartaa hoon,
Tum daryaa se bhi gehre ho,

Kon si baat hai tum main aesi,
Itne ache kyun lagte ho,

Peeche murr kar kyun dekha tha,
Pathar ban kar kya takte ho,

Jao jeet ka jashn manao,
Main jhoota hoon tum sache ho,

Apne sheher ke sab logon se,
Meri khaatir kyun larrte ho,

Raat humen kuch yaad nahin tha,
Raat bohat hi yaad aaye ho,

Hum se na poocho hijr ke qisse,
Apni kaho ab tum kaise ho,

Mohsin tum badnaam bohat ho,
Jese ho phir bhi ache ho..


send poetry

Mohsin Naqvi, Video Shayari
April 21st, 2016

One comment

  1. Ranjish.com I’m your one of the biggest fan and i love your videos can you please tell me what happened to all the older videos, have you deleted it ? If yes then why ? How can we get them ?
    Ranjish.com aap ka bohot purana subscriber hu. Please bataen ki wo purani videos kaha gai. Kam sey Kam pata toh hoga ki kya hua hai. Sabr hi Kar lengey !

Comment here

Your Comment: