Khwaab Aankhon Mein Chubho Ker Dekhoon

Khwaab Aankhon Mein ..

Khwaab Aankhon Mein Chubho Ker Dekhoon
Kaash Main Bhe Kubhi So Ker Dekhoon

Shayed Ubhray Teri Tasveer Kaheen
Main Teri Yaad Mein Ro Ker Dekhoon

Issi Khwahish Mein Mitta Jaata Hun
Tere Paon, Teri ThoKer Dekhoon

Ashk Hain , Vehm Ki Shabnam , K Lahoo??
Apni Palkain Tou Bhigo Ker Dekhoon

Kesa Lagta Hai Bichhar Ker Milna ?
Main Achanak Tujhe Kho Ker Dekhoon

Ab Kahaan Apne Girebaan Ki Bahaar ?
Taar Mein Zakhm Pirro Ker Dekhoon

Mere Hony Se Na Hona Behtar
Tu Jo Chahay , Tera Ho Ker dekhoon ?

Rooh ki Gardd Se Pehlay MOHSIN . .
Daagh-e-Daman Ko Tou Dho Ker Dekhoon..!!


send poetry

Mohsin Naqvi
June 28th, 2012

3 comment

  1. veeeeeeeerrrrrrrrryyyyyyyyyyy nice ghazal i realy like it

  2. wah beshak its nice poetry

  3. Very nice jindagi ki hakikat h ye

Comment here

Your Comment:

18793