Mohabtain jab shumaar karna to sazishen bhi shumaar karna..

Mohabtain jab shumaa..

Mohabtain jab shumaar karna to sazishen bhi shumaar karna,
Jo mere hisse main aayi hain woh aziyaten bhi shumaar karna,

Jalaye rakhoon gi subah tak main tumhare raste mein apni ankhen,
Magar kahin zabt toot jaye to barishen bhi shumaar karna,

Jo harf loh-e-wafaa pe likhe huye hain in ko bhi dekh lena,
Jo raayegan ho gayin woh sari ibaartain bhi shumaar karna,

Yeh sardiyon ka udaas mausam ke dharrkne barf ho gayi hain,
Jab in ki yakh-bastgi parakhna, tamaazten bhi shumaar karna,

Tum apni majbooriyon ke qisse zaroor likhna wazahton se,
Jo meri ankhon main jal bujhi hain woh khawhishen bhi shumaar karna..

A fabulous heart warming ghazal by an Urdu poet, Noshi Gillani.

waqarali
February 28th, 2015 at 5:36 pm

i like it
waqarali
February 28th, 2015 at 5:38 pm

buhat achi hai
NOMAN SAI
September 22nd, 2015 at 3:27 pm

VERY NICE
Ashif Raza
December 5th, 2015 at 10:55 pm

Bahut khub
Robi
December 20th, 2015 at 3:29 am

Bohet khub
iram
December 20th, 2015 at 9:19 am

Owesome……
Kya Kenny jjii…
Alllllaaaaa
Ali
March 14th, 2016 at 3:31 pm

Iss sy bhar kar alfaz kuch ho nahi saktay bhot alla owesome