Main yeh kis ke naam likhoon jo alam guzr rahe hain..

Main yeh kis ke naam..

obaidullah aleem poetry

Main yeh kis ke naam likhoon jo alam guzr rahe hain,
Mer shehr jal rahe hain mere log mar rahe hain,

Koi ghuncha ho ke gul ho koi shaakh ho shajar ho,
Woh havaa-e-gulistaaan hai ke sabhi bikhar rahe hain,

Kabhi rehmaten thiin naazil isi khitta-e-zameen pr,
Wohi khitta-e-zameen hai ke azaab utar rahe hain,

Wohi taayeron ke jhurmatt jo havaa main jhoolte thay,
Woh fazaa ko dekhte hain to ab aaah bhar rahe hain,

Barri aarzuu thi hum ko naye khawb dekhne ki,
So ab apni zindagi main naye khawb bhar rahe hain,

Koi aur to nahin hai pas-e-khanjjar-azmaayi,
Hameen qatal ho rahe hain hameen qatal kar rahe hain..


send poetry

Designed Shayari, Ghazal Shayari, Obaidullah Aleem, Sad Shayari
October 27th, 2016

Comment here

Your Comment: