Pareshan raat sari hai sitaro tum to so jao..

Pareshan raat sari h..

Pareshan raat sari hai sitaro tum to so jao,
Sukuut-e-marg taari hai sitaro tum to so jao,

Hanso aur hanste hanste duubte jaye khalaaon main,
Hameen pe raat bhaari hai sitaro tum to so jao,

Hamen to aaj ki shab pau phatte tak jaagna ho ga,
Yehi qismat hamari hai sitaaro tum to so jao,

Tumhen kya aaj bhi koi agar milne nahin aya,
Yeh baazi hum ne haari hai sitaro tum to so jao,

Kahe jaate ho ro ro kar hamara haal duniya se,
Yeh kaisi raazdaari hai sitaro tum to so jao,

Hamen bhi neend aa hi jaye gi hum bhi so hi jayen ge,
Abhi kuch be-qaraari hai sitaro tum to so jao..


send poetry

Qateel Shifai, Video Shayari
November 13th, 2015

One comment

  1. very nice
    zabardast

Comment here

Your Comment: