Yeh mojza bhi mohabbat kabhi dikhaye mujhe..

Yeh mojza bhi mohabb..

Yeh mojza bhi mohabbat kabhi dikhaye mujhe,
Ke sang tujh pe giray aur zakham aye mujhe,

Woh mera dost hai saray jahan ko hai maloom,
Daghaa kare woh kisi se to sharam aaye mujhe,

Woh meherbaan hai to iqraar kyun nahin karta,
Woh badgumaan hai to so baar aazmaaye mujhe,

Wohi to sab se zeyada hai nukta-cheen mera,
Jo muskuraa ke hamesha galay lagaye mujhe,

Main apni zaat main neelaam ho raha hoon Qateel,
Gham-e-hayaat se keh do khareed laye mujhe..

Video: Yeh mojza bhi mohabbat kabhi dikhaye mujhe..









Ranjish.com is back with another beautiful Urdu Ghazal by Qateel Shifayi. “Yeh mojza bhi mohabbat kabhi dikhaye mujhe” is recited by our team.h

.


send poetry

Qateel Shifai, Video Shayari
July 31st, 2016

One comment

  1. umda Ghazal

Comment here

Your Comment: