Meri aankhon ko aur na rat’jagon ke azaab de

Meri aankhon ko aur na rat’jagon ke azaab de,
Jo ho sake to ab inhain koi haseen khawab de,

Jo kaha nahin hai mene, usey samajne ki koshish to kar,
Jo pucha nahin kabhi, us sawaal ka jawaab to de,

Main apni nazar ko tere wajood ka tawaaf somp raha hon,
Tu apne hussan ko meri wafaa ka hijaab to de,

Main mareez-e-ishq hoon mujhe koi aesa nusskha-e-nayaab de,
Us ke honton ka jaam, us ki aankhon ki sharaab de,

Yu’n be’jaa farmayeshen na kar, halaat ki nazakat ko samajh Waqas,
Jo khud mohtaj hai roshni ka, woh tujhe kahan se aftaab de..