Ehbab ki surat ho ke aghyaar ki surat..

Ehbab ki surat ho ke..

Ehbab ki surat ho ke aghyaar ki surat..

Ehbab ki surat ho ke aghyaar ki surat,
Har chehre main ati hai nazar yaar ki surat,

Jis ankh ne dekha tujhe, us ankh ko dekhoon,
Hai is ke siwa kya tere deedar ki surat,

Pehchan liya tujh ko teri sheesha-gari se,
Aati hai nazar fun se hi funkaar ki surat,

Surat meri ankhon main samaye gi na koi,
Nazron main bassi rehti hai sarkaar ki surat,

Dil hath pe rakha hai koi hai jo khareede,
Dekhoon to zara main bhi kharidaar ki surat,

Ashqon ne bayan kar hi diya raz-e-tamanna,
Hum soch rahe thay abhi izhar ki surat,

Wasif ki sar-e-dar pukara hai kisi ne,
Inkaar ki surat hai na izhaar ki surat..


send poetry

Ghazal Shayari, Sufi Poetry, Wasif Ali Wasif
September 26th, 2017

Comment here

Your Comment:

35439