Khud Ko Kho Raha Hoon!

Khud Ko Kho Raha Hoo..

Mein takiye per sitaray bo raha hoon. .
Janam din hai, Akela ro raha hoon. .

Kisi ne jhank kar dekha na dil mein. .
K mein ander se kaisa ho raha hoon. .

Jo dil per daagh hain pichli ruto’n kay. .
Unhein ab aansuo’n se dho raha hoon. .

Sabhi parchaai’an hain saath lekin. .
Bhari mehfil mein tanha ho raha hoon. .

Mujhy in nisbato’n se kon samjha?
Mein rishtay mein kisi ka jo raha hoon. .

Mein chonk uthta hoon aksar baithay baithay. .
K jaisay jagtay mein so raha hoon. .

Kisay paanay ki khuwahish hai k ‘Sajid’
Mein rafta rafta khud ko kho raha hoon. . !


send poetry

Aansoo Shayari, Dard Bhari Shayari, Ghazal Shayari
March 29th, 2013

Comment here

Your Comment: