Tera chup rehna mere zehen main kya beth gaya..

Tera chup rehna mere..

Tera chup rehna mere zehen main kya beth gaya,
Itni awazen tujhe di ke gala beth gaya,

Yun nahin hai ke faqat main hi usse chahta hoon,
Jo bhi us paiRr ki chaon main gaya beth gaya,

Itna meetha tha woh ghusse bhara lehja mat puch,
Us ne jis ko bhi jaane ka kaha beth gaya,

Apna laRrna bhi mohabbat hai tumhen ilm nahin,
Cheekhti tum rahi aur mera gala beth gaya,

Us ki marzi woh jise paas bitha le apne,
Is pe kya laRrna falaan meri jagah beth gaya,

Baat dariyaon ki suraj ki na teri hai yahan,
Do qadam jo bhi mere sath chala beth gaya,

Bazm-e-janan main nashistain nahin hoti makhsus,
Jo bhi ik baar jahan beth gaya, beth gaya..


send poetry

Ghazal Shayari, Tehzeeb Hafi, Video Shayari
October 24th, 2018

Comments are closed.

Tehzeeb Hafi
Tehzeeb Hafi
Poetries: 3
Separator
love shayari romantic shayari sad shayari nazam shayari