Wo mera kon laagay hai?

Wo jazba hai jo dil k nehan khanay mein jab utrey
To andheyaro’n mein goya roshni bhar de
Agar mitti ko choo lay tou usey rashk-e-qamar kar de
Ye tapti dhoop ko pal mein ghata kar de
Ye khuwahish ko dua kar de
Ye dharkan ko sadaa kar de
Kisi bhi aam jazbay ko wafa kar de
Dukho’n se maawra kar de
ye jab chahay badan mein rooh phoonkay
aur jab chahay riha kar de
to socho kis tarha mujh ko nahi idraak is shae ka
Mujhy ehsaas hai jana!
Mujhy is ka yaqeen bhi hai.
Tumhain mujh se muhabbat hai. . !
Kia wo tum hi ho
Wo jo koi meri socho’n mein hai
Rag-e-jaan se bhi aagay hai
Zara batlao to jana
Wo mera kon laagay hai?