aa jata hai khud pas bulana nahi paRrta

aa jata hai khud pas..

aa jata hai khud pas bulana nahi paRrta
milne ke liye hath hilana nahin paRrta

kuch aesi sahulat se makeen dil main hua woh
mujh ko bhi meri zaat se jana nahin paRrta

yeh khas riyayet hai ke ab des main apne
gham muft main milta hai kamana nahin paRrta

is sheher se us sheher talak seedhi saRrak hai
filhal to raste main zamana nahin paRrta

afsana -e- hasti bhi bohat khoob hai jis main
kirdar koi sa bhi nibhana nahin paRrta

ik karb -e- musalsal ke mera pehlu-nasheen hai
ik lutf -e- daruun jis ko gavana nahin paRrta

ab loha ugate hain darakhton ki jagah hum
koyal ko bhi ab shor machana nahin paRrta


send poetry

Ghazal Shayari, Saima Aftab
March 28th, 2021

Comments are closed.

Saima Aftab
Saima Aftab
Poetries: 2
Separator
love shayari romantic shayari sad shayari nazam shayari