Anjaam Bohat Hain
Anjaam Bohat Hain..
Karnay ko meray zimay abhi kaam bohat hain
Sach ye bhe hay sar paiy meray ilzaam bohat hain
Main dhoondta phirta hon jisay koocha ba koocha
Iss naam k insaan yahan aam bohat hain
Ab chahnay saiy milti hay mohobat kahan aisay
Bazaar main iss shay k ab daam bohat hain
Taareef kron teri mohobat ke zaban main
Gulshan main teri khushboo ke iqsaam bohat hain
Laina hay mujhay kiya teri duniya-o-jahan saiy
Dil main teri yaadon k sobha shaam bohat hain
Jaanum teri duniya main nehi milti rafaaqat
Keh dau k siwa wasl k anjaam bohat hain
Na cheez naiy iss cheez ko kiya cheez haiy sumjha
Iss lafz-e-mohobat main aalaam bohat hain
Maayal haiy Shaukat zindagi anjaam ke jaanib
Chal rukk k zara tou abhi inaam bohat hain
by Shaukat Ali Khan
Ghazal Shayari, Sad Shayari
February 15th, 2012
adila saba
February 24th, 2013 at 7:30 am
v v nice poetry bt ziayada sad ni thi mjy boht c sad poetry chahayeh thi