Aur bazaar se kya le jaaun..

Aur bazaar se kya le..

Aur bazaar se kya le jaaun,
Pehli baarish ka maza le jaaun,

Kuch to saughaat duun ghar walon ko,
Raat ankhon main sajaa le jaaun,

Ghar main samaan to ho dilchaspi ka,
Haadsa koi uthaa le jaaun,

Ik diya dair se jaltaa hoga,
Saath thori si havaa le jaaun,

Roz kehta hai hawaa ka jhonka,
Aa tujhe duur urraa le jaaun,

Aaj phir mujh se kaha dariyaa ne,
Kya iraada hai bahaa le jaaun,

Ghar se jaata hon to kaam aayen ge,
Ek do ashk bachaa le jaaun,

Jaib main kuch to rahe ga alvi,
Laao tum sab ki duaa le jaaun..


send poetry

Ghazal Shayari, Mohammad Alvi
December 14th, 2015

2 comment

  1. “aur bazar se kya le jaon”
    ye ghazal mujhe bohat achi lagi

  2. I like this ghazal.
    “aur bazar se kya le jaon”

Comment here

Your Comment: