Bharosa toot jane se zara pehle bata dena..

Bharosa toot jane se zara pehle bata dena,
Mujhe tum azmaane se zara pehle bata dena,

Kisi heelay bahane se zara pehle bata dena,
Ke tum mujh ko bhulane se zara pehle bata dena,

Zehen ki rait pr tum ne mohabbat se jo likhi thi,
Woh tehreeren mitaane se zara pehle bata dena,

Mere dilbar, ke is dil pr main rakh loon zabt ka pathar,
Suno, daaman churaane se zara pehle bata dena,

Kisi bhi morr pr humdum bura pao agar mujh ko,
Zamaane ko batane se zara pehle bata dena..