Bohat gumaan tha mausam shanaas honey ka

Bohat gumaan tha mausam shanas honey ka
Wohi bahana bana hai udaas honey ka

Badan ko garh liya zakham ke gulabon se
Tu shok pura kar khush libas honey ka

Fiza mehkne lage roshni jhalakne lage
To yeh nishan hai tere aas pass honey ka

Gulon ke beech woh chehra khila, to har titli
Tamasha karne lagi, bad hawas honey ka

Usy bhi shok tha bewajah dil dukhaney ka
So hum ne khel rachaya udaas honey ka

Naye safar pe rawana tou hum bhi ho jate
Bas intizar tha mausam ke raas hone ka

(Khush Libas:Well Suited)(Bad Hawas:Confused)(Rawana:Depart)(Raas:Compatible)