Chahton ki chandni thi hijar ka saya na tha..

Chahton ki chandni thi hijar ka saya na tha,
Tujh se hatt kar sochtey woh marhala aya na tha,

Arzoo thi be’niyaz lafz o maayini un dinon,
Ab woh naghmaa hai labon per jo kabhi gaya na tha,

Band they sab dareechey band hi rehne diye,
Thi anaa hi meri dushman, mera hamsaaya na tha,

Waqt hi me’meher tha, halaat hi be’faiz they,
Kon sa gham tha jo Mohsin hum ne apnaaya na tha..

Mohsin Bhopali