Dikhaa na yunhi vasl ki rut ke khawb mujhe..

Dikhaa na yunhi vasl..

Dikhaa na yunhi vasl ki rut ke khawb mujhe,
Ke maar de na kahin hijar ka azaab mujhe,

Qadam qadam mere raste mein wehshiyon ka hajoom,
Nagar nagar liye phirta hai iztraab mujhe,

Ajeeb vehm-o-gumaan aankh main utar aye,
Dikhaayi deta hai daryaa ab bhi saraab mujhe,

Tumhare honton pe bikhrey koi to rang-e-sadaa,
Tumhari aankhon se aaye koi jawaab mujhe,

Bohat dinon se khazaaon ki zad main hoon Shahbaz,
Jo ho sake to kabhi bhejnaa gulaab mujhe..

Shahbaz Khawaja


send poetry

Ghazal Shayari
October 19th, 2012

Comment here

Your Comment: