Faasley bhi rakhta hai
Faasley bhi rakhta h..
junoo’n mai hosh k sab silsiley bhi sath rakhta hai
wafa karta hai lekin fasley bhi sath rakhta hai
ghanimat hai agar kuchh waqt khamashi se kat jaye
ye ahd e kamm nazar kuchh sanhey bhi sath rakhta hai
andhero’n se larhe ya ab larhe uss habs mausam se
hawayain chahta hai par diye bhi sath rakhta hai
utarta hai dilo’n mai chaudhvee’n k chaand ki soorat
sahb e tareek k kuchh zayqey bhi sath rakhta hai
koi aab o hawa tau raas ayegi kabhi usko
mohabbat k wo sarey mantaqey bhi sath rakhta hai
qafas ki tiiliyo’n mai konpalain ugney lagi AAZAR
ye qaidi fasl e gull k silsiley bhi sath rakhta hai
Ghazal Shayari
September 16th, 2009