Gham se behel rahay hain aap , aap bohat ajeeb hain

Gham se behel rahay ..

gham se behel rahay hain aap, aap bohat ajeeb hain
dard mai dhal rahay hain aap, aap bohat ajeeb hain

saya-e-Vasl kab se hay aap ka muntazir magar
hijr mai jal rahay hain aap, aap bohat ajeeb hain

apne khilaaf faisla khud hi likha hay ap ne
haath bhi mal rahay hain aap, aap bohat ajeeb hain

qaqt ne aarzu ki lau dair hui bujha bhi di
ab bhi pighal rahay hain aap, aap bohat ajeeb hain

dayeray-war hi to hain ishq k raastay tamam
raah badal rahay hain aap, aap bohat ajeeb hain

apni talash ka safar khatm bhi kijiye kabhi
khuab mai chal rahay hain aap, aap bohat ajeeb hain


send poetry

Ghazal Shayari
February 3rd, 2012

Comment here

Your Comment: