Hasrat-e-intezar-e-yar na pooch..

Hasrat-e-intezar-e-yar na pooch,
Haaye woh shiddat-e-intezaar na pooch,

Rang-e-gulshan dam-e-bahaar na pooch,
Wehshat-e-qab-e-be-qaraar na pooch,

Sadma-e-andaleeb-e-zaar na pooch,
Talkh anjaami-e-bahaar na pooch,

Ghair par lutf main rahin-e-sitam,
Mujh se aayina-e-bazm-e-yaar na pooch,

De diya dard mujh ko dil ke iwazz,
Haaye lutf-e-sitam-shiaar na pooch,

Phir hui yad-e-mai-kashi taaza,
Masti-e-abr-e-nau-bahaar na pooch,

Mujh ko dhoka hai taar-e-bistar ka,
Na-tavani-e-jism-e-yar na pooch,

Main hoon na-aashna-e-vassl hunuuz,
Mujh se kaif-e-visal-e-yar na pooch..