Jo beeti hai woh dohraaney mein kuch waqt lage ga..

Jo beeti hai woh doh..

Jo beeti hai woh dohraaney mein kuch waqt lage ga,
Iss gham ko ik yaad bananey mein kuch waqt lage ga,

Neend to aaney ko thi per dil pichey qissay le betha,
Ab khud ko be’waqt sulaney mein kuch waqt lage ga,

Us ka sath ab tanhai ko karte hai aur zeyada,
Par yeh baat usey samjhaney mein kuch waqt lage ga,

Akhir humain bhi laut kar ik din ghar ko jana hai,
Lekin itni door se aney mein kuch waqt lage ga,

Shayar hain yeh sochna hoga “kese sab kuch kehna hai”,
Dil ki baat labon tak laney mein kuch waqt lage ga,

Yeh mat samjho dunya walo thak kar beth gaye hum,
Pichli chotton ko sehlaaney mein kuch waqt lage ga,

Itni jaldi kya Shabnum tum ko waapis janey ki,
Kaam yeh dunyaa ke nibtaaney mein kuch waqt lage ga..

Shabnam Shakeel


send poetry

Ghazal Shayari
November 1st, 2012

Comment here

Your Comment: