Lagta nahii hai dil mera ujrre dayaar mein..

Lagta nahii hai dil ..

in hasraton se keh do kahin aur ja basen

Keh do in hasraton se kahin aur ja basen..

Lagta nahii hai dil mera ujrre dayaar mein,
Kis ki bannii hai aalam e na-paayedaar mein,

Keh do in hasraton se kahin aur ja basen,
Itni jagah kahan hai dil-e-daaghdaar main,

Umr-e-daraaz maang ke laaye the chaar din,
Do aarzuu mei katt gaye do intizaar main,

Kaanton ko mat nikaal chaman se o baaghbaan,
Yeh bhi gulon ke saath pale hain bahaar main,

Bulbul se koi shikwa na sayaad se gila,
Qismat mein qaid likhi thi fasl-e-bahaar main,

Kitna hai bdnaseeb “zafar” dafn ke liye,
Do gaz zameen bhi na mili kuu-e-yaar main..


send poetry

Bahadur Shah Zafar, Ghazal Shayari, Video Shayari
May 1st, 2015

2 comment

  1. How i can get the member ship oed daily poetry? Which has sand on my phone number automatically.

  2. apki w.s sy msg q nai send .hota

Comment here

Your Comment: