Ma kise suna raha hoon ye ghazal mohabbaton ki

Ma kise suna raha hoon ye ghazal mohabbaton ki
Kahin aag saazishon ki kahin aanch nafraton ki

Koi baagh jal raha hai ye magar meri duaa hai
Mere phool tak na ponhche ye hawa tamazaton ki

Mera kon sa hai mausam mere mausamon ke wali
Ye bahaar be.dili ki ye khizan mohabbaton ki

Ma qadeem baam-o-dar ma unhen ja ke dhoondhta hoon
Wo dayaar nikhaton ke wo fizaayein chahaton ki

Mere kaaghazon ma shayed kahin ab bhi so rahi ho
Koi subha gulstan ki koi shaam parbaton ki

kahin dasht e dil ma shayed meri raah tak rahi ho
Wo qitar jugnuon ki wo mehak hari ruton ki

Ye nahi ke dab gaii hai kahein gard e roz o shab ma
Wo khalish mohabbaton ki wo kasak rafaqaton ki