Main Bhool Jaoon Tumhe, Ab Yahi Munaasib Hai

Main Bhool Jaoon Tumhe, Ab Yahi Munaasib Hai
Magar Bhulana Bhi Chahon To Kis Tarah Bhoolon

Ke Tum To Phir Bhi Haqeqat Ho Koi Khowab Nahin
Yahan To Dil Ka Ye Aalam Hai Kya Kahoon, Kambakht

Bhulaa Sakaa Naa Ye Vo Silsilaa Jo Thaa Bhi Nahin
Wo Ek Khyaal Jo Aawaz Tak Gayaa Hi Nahin

Wo Ek Baat Jo Main Keh Nahin Sakaa Tumse
Wo Ek Rabt Jo Ham Mein Kabhi Raha He Nahin

Mujhe Hai Yaad Wo Sab Jo Kabhi Huaa Hi Nahin
Agar Ye Haal Hai Dil Ka To Koi Samjhaye

Tumheiin Bhulana Bhi Chahoon To Kis Tarah Bhoolon
Ke Tum To Phir Bhi Haqeqat Ho Koi Khowaab Nahin