Video Shayari

Jaanay Kaisay Sambhaal Kar Rakhay
Sab Iraaday Sambhaal Kar Rakhay

Kuch Naye Rang Hain Mohabbat Ke
Kuch Puraanay Sambhaal Kar Rakhay

Mausam-e-Ishq Teri Baarish Mein
Khat Jo Bheegay Sambhaal Kar Rakhay

Jin Ki Khushbu Udaas Karti Thi
Wo Bhi Gajray Sambhaal Kar Rakhay

Tujh Se Milnay Ke Aur Bichadnay Ke
Saaray Khadshay Sambhaal Kar Rakhay

Jab Hawaa Ka Mizaaj Barham Tha
Ham Ne Pat’tay Sambhaal Kar Rakhay

Aarzoo Ke Haseen Pinjray Mein
Kuch Parinday Sambhaal Kar Rakhay

Ham Ne Dil Ki Kitaab Mein Tere
Saaray Waaday Sambhaal Kar Rakhay

Tere Dukh Ke Tamaam Hee Mausam
Ay Zamaanay Sambhaal Kar Rakhay

Mere Khwaabon Ko Raakh Kar Daala
Aur Apnay Sambhaal Kar Rakhay

Watch Video

Diya diye se jala loon to chain aaye mujhe,
Tumhain galey se laga loon to chain aaye mujhe,

Mohabbton ke saheefay hain ya azaab koi,
Tere khatoot jala loon to chain aaye mujhe..

Watch Video

Koi mausam ho, dil mein hai tumhaari yaad ka mausam,
Ke badla hee naheen jaanan tumhare baad ka mausam,

Nahee tou aazma ke dekh lo, kaisay badalta hai,
Tumhaaray muskaraanay se dil-e-nashaad ka mausam,

Parindon ki zubaan badli, kahin se dhoond le tu bhi,
Nayi tarzz-e-fawaan ae dil ke hai ijaad ka mausam,

Ruton ka qaayeda hai, waqt pe aati jaati hain,
Hamare sheher main kyun ruk gaya faryaad ka mausam,

Kahin se uss haseen ki awaz ki khushbuu pukaare gi,
To uss ke sath badle ga dil-e-barbaad ka mausam,

Kaheen se os haseen awaaz ki khusbuu pukaaray gi,
Tou is ke saath badlay ga dil-e-barbaad ka mausam,

Qaffass ke baam-o-dar mein roshni si aayi jaati hai,
Chaman mein aagaya shayad lab-e-aazaad ka mausam,

Mere sheher-e-pareshaan mein teri be-chaand raaton mein,
Bohat hee yaad karta hun teri bunyaad ka mausam,

Na koi gham khizaan ka hai, na khwaahish hai bahaaron ki,
Hamaaray saath hai “amjad” kisi ki yaad ka mausam..

Watch Video

Milkar Juda Huey Tou Na Soya Karenge Hum
Ek Doosre Ki Yaad MeiN Roya Karenge Hum

aaNsoo Chalak Chalak Ke Sataayenge Raath Bhar
Moti Palak Palak MeiN Piroyaa Karenge Hum

Jab DooriyoN Ki Yaad DiloN Ko Jalaayegi
JismoN Ko Chaandni MeiN Bhigoya Karenge Hum

Ban Kar Ik Bazm Ka Mauzu-e-Guftugu
Jismon Ko Chaandni Mein Bhigoya Karain Ge Hum

Majbooriyon Ke Zeher Se Karlain Ge Khudkushi
Ye Buzdili Ka Jurm Bhee Goya Karain Ge Hum

Dil Jal Raha Hai Zard Shajar Dekh Dekh Kar
Ab Chaahaton Ke Beej Na Boya Karain Ge Hum

Gar De Gaya Daga HameN Toofan Bhi ‘Qateel’
Sahil Pe KashtiyoN Ko Dooboya Karenge Hum..

Watch Video

Teri Baatein Hi Sunaane Aaye
Dost Bhi Dil Hi Dukhane Aaye

Phool khilte Hain To Ham Sochte Hain
Tere Aane Ke Zamaane Aaye

Aisi Kuch Chup Si Lagi Hai Jaise
Ham Tujhe Haal Sunaane Aaye

Ishq Tanha Hai Sar-e-Manzil-e-Gham
Kaun Ye Bojh Uthane Aaye ?

Ajnabi Dost Hamein Dekh K Ham
Kuch Tujhe Yaad Dilaane Aaye

Dil Dhadakta Hai Safar K Hangam
Kaash Phir Koi Bulaane Aaye

Ab To Rone Se Bhi Dil Dukhta Hai
Shaayad Ab Hosh Thikaane Aaye

Kyaa Kahein Phir Koi Basti Ujdii
Log Kyun Jashn Manaane Aaye ?

So Raho Maut Ke Pehluu Mein ‘Faraz’
Neend Kis Vaqt Na Jaane Aaye

Watch Video

Hazaron dukh paren sehnna mohabbat mar nahin sakti,
Hai tum se bus yahii kahna mohabbat mar nahin sakti,

Tera har bar mere khat ko parhna aur ro daina,
Mera har bar likh daina mohabbat mar nahin sakti,

Kiya tha hum ne campus ki nadi par ikk haseen waadda,
Bhale hum ko parre marna mohabbat mar nahin sakti,

Jahan main jab talak panchi chahaktay urahtay phiraty hain,
Hai jab tak phool ka khilana mohabbat mar nahin sakti,

PuranE ahhad ko jab zinda karne ka khayal aye,
Mujhe bus itna likh daina mohabbat mar nahin sakti,

Wo tera hijar ki shab main fone rakhany se zara pehle,
Bahat rotey hue kahna mohabbat mar nahin sakti,

Agar hum hasaraton ki qabar main hi dafan ho jayen,
To yeh qutbo’n pe likh daina mohabbat mar nahin sakti,

Purane rabaton ko phir naye waade ki khawaish hai,
Zara ikk baar to kehna mohabbat mar nahin sakti,

Gaye lamhaat fursat ke kahan se dhoond kar laon,
Wo pehron hath par likhna mohabbat mar nahin sakti..

Watch Video

Samandar main utarta hon to ankhain bheeg jati hain
Teri ankhon ko parhta hon to ankhain bheeg jati hain

Tumhara naam likhne ki ijazat chiin gai jab se
Koi bhi lafz kehta hon to ankhain bheeg jati hain

Teri yaadon ki khoshbo khirkiyon mee raqas karti hai
Tere gham main sulagta hon to ankhain bheeg jati hain

Main hans kar jheel leta hon judai ki sabhi rasmain
Gale jab us ke lagta hon to ankhain bheeg jati hain

Na jane ho gEa hon is kadar hasaas main kab se
Kisi se baat karta hon to ankhain bheeg jati hain

Wo sab guzre hue lamhat mujh ko yad ate hain
Tumhare khat jo parhta hon to ankhain bheeg jati hain

Main sara din bohat masrof rehta hon magar jonhi
Kadam chokhat pe rakhtaa hon to ankhain bheeg jati hain

Har ek muflis ke mathe par alam ki dastanain hain
Koi chehra bhi parhta hon to ankhain bheeg jati hain

Barre logon ke onche bad-numa aur sard mehloon ko
Ghareeb ankhon se takta hon to ankhain bheeg jati hain

Tere koche SE ab mera taaluk waajbi sa hai
Magar jab bhi guzarta hon to ankhain bheeg jati hain

Hazaron mausamon ki hukmarani hai mere dil par
Wasi main jab bhi hansta hon to ankhain bheeg jati hain

Audio Poetry:

Kaash Mein Tere Haseen Hath Ka Kangan Hota
Tu Bare Piyar See Chaao See Bare Maan K Sath

Apni Nazuk Si Kalaai Me Charhati Mujh Ko
Aur Bay Taabi See Furqat K Khizaan Lamhom Mee

Tu Kisi Soch Mein Doobi Jo Ghoomati Mujh Ko
Mein Tere Hath Ki Khooshboo See Mehak sa Jata

Jab Kabhi Mood Mein Aa Kar Mujhe Choomaa Karti
Tere Hontoon Ki main Hidat Say Dehaak Sa Jata

Raat Ko Jab Bhi Tu Neendon Kee Safar Par Jaati
Mar Mareein Haath Ka Takiya Banaiya Karti

Mein Tere Kaan Say Lag Kar Kai Batein Karta
Teri Zulfon ko Tere Gaal Ko Chooma Karta

Jab bhi to band e qaba kholane lagati janan
Apni ankhon ko tere husan se khaira karta

Mujh Ko Bay Taab Sa Rakhta Teri Chahat Ka Naasha
Mein Teri Rooh K Gulshan Me Meehakta Rehtata Rehta

Mein Tere Jisam K Aangan Me Khanakata rehta
Kuch Nahi To Yahi Be Naam Sa Bhandhan Hota

Kash Me Tere Haseen Hath Ka Kanghan Hota

Mujhay itna pyar na do Baba,
Kal jitna mujhay naseeb na ho,
Ye jo maatha chuma kertey ho.
Kal is per shikan ajeeb na ho
Main jab bhi roti hon Baba
Tum ansoo poncha kertey ho
Mujhay itni dooor na chor aana
Main roun aur tum kareeb na ho
Meray naz uthatey ho Baba
Meray laad uthatey ho Baba
Meri choti choti khwahish per
Tum jan lutatey ho Baba
Kal aisa na ho ik nagri mein
Mein tanha tum ko yaad karon,
Aur ro ro ker faryad karon
Ay Allah meray Baba sa,
Koi pyar jataney wala ho,
Mere Naz Uthaney wala ho..!!!!

Main choti si ik bachi thi
teri ungli tham kai chalti thi
tu door nazar se hoti thi
main aansoo ansoo roti thi

khabon ka ik roshan basta
tu roz mujhe pehnati thi
Jab darti thi main ratun ko
tu apne sath sulati thi

Maan tu ne kitne barson tak
is phool ko seincha hathon se
Jeevan kai gehre bheydon ko
main samjhi teri batoon se

Mein teree yaad kai takiye per
ab bhi rat ko sotee hoon
Maan me choti see ik bachi
teri yad mein ab bhi roti hoon

Watch Video