Dard Bhari Shayari

Ranjish.com has lots of Urdu Dard Bhari Shayari Poetry. Feel free to add your own Dard Bhari Shayari Shayari here.

Dard Bhari Shayari Collection

Dard Bhari Shayari is enriched with unhappiness, sorrowness and deep distress. People read Dard Bhari Shayari when they are hugely upset. This unhappiness can be of any kind, reading Dard bhari shayari makes us all feel a little better.



Tumhain Hum Pyar Karty Hain. . !

Dard Bhari Shayari

Suno Janaa’n
Boht be-sakooni hai hamari zaat mein
Boht masroof rehna parr raha hai. .
Boht se kaam hain
Jo apny zimmay ley rakhay hain
Magar, inhi saray jhamelo’n mein
Tumhari yaad ka wo aik jugnu, ab chamkay to
Ye aankhain bheeg jati hain.
Tumhari yaad k roshan sitaray timtimatay hain
Tou dil bujh sa jata hai
Hawa ko sub pata hai
Mery dil ki khabar hai
Meri palkon k aansu
Khud mein jazb kar k num c ho jati hai. . !

Suno Janaa’n
Boht hi be-sakooni hai hamari zaat mein
Lekin
Tumhain hum yaad karty hain
Tumhain ab bhi
Boht hum pyar karty hain.



Chaha hai tujh ko tery taghaful k bawajood. . !

Dard Bhari Shayari

Chaha hai tujh ko tery taghaful k bawajood. . !
Ae zindagi tu yaad karay gi kabhi humain. . !



Wohi aksar khafa bhi hotay hain. . !

Dard Bhari Shayari

Jo mananay k fun se waqif hon
Wohi aksar khafa bhi hotay hain. . !

Jo baray ba-wafa se dikhty hain
Wo baray be-wafa bhi hoty hain

Jo theherty hain zeest ka haasil
Wohi lamhay saza bhi hoty hain

Hum ko itni khabar nahi hoti
Hum kisi ki dua bhi hoty hain

Jo bicherny ka wehem rakhtay hain
Wohi aksar juda bhi hoty hain. . !



Chandni, phool, hawa, jaam, sitaray, khushbu. . !

Dard Bhari Shayari

Chandni, phool, hawa, jaam, sitaray, khushbu. . !
Zeher k naam hain jis shab nahi hota koi. . !



Chandni raat ki pheli hui tanhai mein. . !

Dard Bhari Shayari

Chandni raat ki pheli hui tanhai mein. . !
Dil mein yaado’n ka dhuan ho to ghazal hoti hai. . !



Ab Tou Keh Do Naa. . !

Dard Bhari Shayari

Mein aaj boht udaas hoon
koi nahi
Jis dil se veerani baant saku’n
Koi nahi
Jo mery behtay aansuo’n ko rok sakay
Koi nahi
Jo ik zara harf-e-tasalli de
koi nahi
Jo muskura k kahay
“Apni hasaas aankho’n ko takleef na de”
Ye moti merey dil pe girty hain
Koi nahi
Agar hai tou bolta kyun nahi hai. . !



Mery Ae Sheher-e-Muhabbat

Dard Bhari Shayari

Tery chehray ki shafaq subha, saba choomti thi
Teri raat’on si siah zulf ghata choomti thi
Teri saanson se churaai thi gulab’on ne mehek
Thi sitar’on se siwa teri in aankho’n ki chamak
Mery ae sheher-e-muhabbat kabhi aabaad tha tu
Tu ne ik ghair ko apna jana
Such samajh baithy thy sapnay ko na sapna jana
Ab to kuch nahi baaqi
Na wo mein hun na wo tu
Mery Ae Sheher-e-Muhabbat Kabhi Aabaad Tha Tu. . !



Suno hum thak gaye hongy

Dard Bhari Shayari

Muhabbat mangny ki shae nahi jo maang li jaye
Kisi ko kab kahan ye raas aai hai
Ye hum se aaj kehty ho?
Suno Janaa’n! Tumhain bhi yaad to ho ga?
Yehi to ibtada mein hum bhi kehty thy
Magar tum ne tou is ki khud nafi kar di thi pal bhar mein
Kaha tha us gharri tum ne
Muhabbat mangny se mil bhi jati hai
Magar ye shart hai jo mangta ho dil se wo mangy
Aur hum ne akhir tum ko ye daulat sonp di lekin
Wafa tum kar nahi paaye
Tum ab aaye ho barso’n baad
Aur ye hum se kehty ho
K hum tum ko bhula baithy
Tumhary khat jala baithy
Humain laazim tha ye, Ta umer baithy rasta taktay
Gharri bhar ko nahi thaktay
Baja kehty ho, such kehty ho, kab inkaar hai hum ko
Suno hum thak gaye hongy. . !



Husn Hai Zaat Meri . . !

Dard Bhari Shayari

Husn hai zaat meri ishq sifat hai meri
Hoon tou mein shama magr bhais hai parwanay ka. . !



Samander Paar karna Hai

Dard Bhari Shayari

Suno Jana!

Muhabbat rut mein laazim hai
Boht ujlat mein ya takheer se wo marhala aaye
Koi be-dard ho jaye
Muhabbat ki tamazat se boht bharpoor sa lehja
Achanak sard ho jaye
Gulabi rut ki chanchal oorhni bhi zard ho jaye
Tou aisy morr pe darna nahi, rukna nahi, ghabra nahi jana
Ghazab dhaati hui saffaak mojo’n se
Kisi bhi surkh toofan se
Dil ki kashti ko is pul se
humain do chaar karna hai
hamara ehed hai khud se
Kisi bhi qeemat pe hum ko

SAMANDER PAAR KARNA HAI. . !


Advertisements

We update our poetry database on daily basis so keep coming back for more Dard Bhari Shayari.



love shayari romantic shayari sad shayari nazam shayari